Xitoy shanba kuni Kanada qishloq xo‘jaligi va oziq-ovqat mahsulotlariga javob tariqasida bojlar joriy etishini e’lon qildi. Bu haqda City News xabar berdi.
Yangi bojlar 20-martdan kuchga kiradi. Kanadaning o‘simlik yog‘i, kunjarasi va no‘xatiga qo‘shimcha 100 foizlik, cho‘chqa go‘shti va suv mahsulotlariga esa qo‘shimcha 25 foizlik bojlar qo‘llanadi.
Xitoyning bu bojlari Kanadaning oktyabr oyida Xitoy tovarlari importiga bojlar kiritishiga javoban joriy etildi. O‘shanda Xitoyda ishlab chiqarilgan barcha elektromobillarga 100 foizlik, po‘lat va alyuminiy importiga esa 25 foizlik qo‘shimcha soliq solingan edi.
Xitoyning ko‘p marotaba qarshilik ko‘rsatishi va tushuntirishlariga qaramay, Kanada Xitoydan import qilinadigan elektromobillar, po‘lat, alyuminiy va boshqa tovarlarga nisbatan hech qanday tekshiruvsiz bir tomonlama cheklov choralarini ko‘rdi. Bu esa Xitoy-Kanada iqtisodiy va savdo munosabatlariga putur yetkazadi, deydi Xitoy bojxona organlari.
Kanada 2024-yil avgust oyida AQSH va Yevropa ittifoqi Xitoyda ishlab chiqarilgan elektromobillar hamda boshqa tovarlarga boj joriy etganidan so‘ng, Xitoy mahsulotlariga tariflarni e’lon qildi. G‘arb davlatlari Xitoy hukumatining subsidiyalari ularning sanoatiga adolatsiz ustunlik berayotganini ta’kidlamoqda.
Izoh (0)