Agar AQSH prezidenti Donald Tramp Yevropa ittifoqidan keladigan tovarlarga boj joriy qilsa, Yevrokomissiya tezda javob qaytara oladi. Bu haqda Germaniya kansleri Olaf Shols ma’lum qildi.
“Men qarama-qarshilikdan ko‘ra ko‘proq hamkorlikka umid qilaman... Ammo agar Qo‘shma Shtatlar shunday qadamlar qo‘ysa (bojlar joriy qilsa), Yevropa Komissiyasi bir necha soat ichida javob bera oladi”, dedi Shols.
Kansler eksportga yo‘naltirilgan sanoati rivojlangan mamlakat sifatida globallashuv Germaniya uchun foydali ekanligini va bu holat saqlanib qolishi zarurligini ta’kidladi.
Uning fikricha, Yevropa ittifoqi birlashishi va o‘z kuchini namoyish qilishi, shu orqali harakat qilish qobiliyatini namoyon etishi kerak.
Avvalroq 1-fevral kuni AQSH prezidenti Donald Tramp Bryussel Vashingtonga “dahshatli” munosabatda bo‘lgani uchun YIdan tovarlarga import bojlari joriy etishini aytgan edi.
Shuningdek, Germaniya kansleri Olaf Shols AQSHning saylangan prezidenti Donald Trampning NATO a’zolari yalpi ichki mahsulotning (YIM) kamida 5 foizini mudofaa uchun sarflashi haqidagi talabini rad etgani xabar berilgandi.
Izoh (0)