Uzum Bank “Mahalla bankirlari” doirasida O‘zbekistondagi shahar va tumanlarda ta’lim dasturini ishga tushirdi. Uzum banki va servislari mutaxassislari aholining kasbiy va tadbirkorlik ko‘nikmalarini rivojlantirish, hududlarda bandlik darajasi va biznes salohiyatini oshirishda aholini har tomonlama qo‘llab-quvvatlaydi. Moliyaviy savodxonlik bo‘yicha mahorat darslari va ma’ruzalar karyeraviy imkoniyatlarni topishga hamda, nafaqat alohida aholi punktlari, balki butun mamlakat miqyosida loyihalarni tatbiq etishga yordam beradi.
Ilk o‘quv tadbirlari Samarqand viloyatininng Jomboy va Kattaqo‘rg‘on tumanlarida bo‘lib o‘tdi. Unda Uzum Market va Uzum Bank vakillari zamonaviy marketpleyslar, banklar va muddatli to‘lov servislarining oddiy va texnologik vositalari yordamida qanday qilib shaxsiy biznesni rivojlantirish mumkinligi haqida so‘zlab berishdi.
Ma’ruza ishtirokchilari elektron tijorat maydonchalarida noldan boshlab shaxsiy do‘kon ochish, sotuvlarni yo‘lga qo‘yish va xaridorlarni jalb qilish bo‘yicha kerakli bilimlarga ega bo‘lishdi. Ekspertlar marketpleyslarning logistik va texnologik infratuzilmalari yordamida butun respublika bo‘ylab shaxsiy biznesni rivojlantirish bo‘yicha samarali strategiyalar bilan bo‘lishishdi.
Amaldagi va bo‘lajak tadbirkorlarga zamonaviy raqamli moliyaviy vositalar mijozlar tomonidan to‘lovlarni qabul qilish jarayonini yengillashtirishi, o‘rtacha chek narxi va takroriy xaridlar ehtimolini oshirishi haqida so‘zlab berishdi.
Reklama huquqi asosida
Izoh (0)