Germaniyaning bo‘lajak kansleri Fridrix Merz yaqin kunlarda AQSH prezidenti Donald Tramp bilan shaxsan uchrashmoqchi. Bu haqda XDI parlament fraksiyasi raisi o‘rinbosari Yoxan Vadeful xabar berdi.
Mers Tramp bilan imkon qadar tezroq uchrashadi va umid qilamanki, harbiy xarajatlarni ko‘paytirish bo‘yicha rejalarni o‘zi bilan olib keladi, deb ta’kidladi Vadeful.
Uning so‘zlariga ko‘ra, bu Germaniya va AQSH o‘rtasidagi keskinlashgan munosabatlarni yaxshilashi mumkin. Biroq Berlinda Vashington bilan muloqot o‘rnatish hozirda murakkab vazifa ekanini anglashmoqda.
Barcha yevropaliklar yangi Amerika ma’muriyati bilan muloqot qilishda qiyinchiliklarga duch kelmoqda, deya qo‘shimcha qildi Vadeful.
Uchrashuvning asosiy mavzularidan biri Germaniya hukumatining mamlakat mudofaasini moliyalashtirish bo‘yicha rejalari bo‘lishi kutilmoqda. Tramp ilgari Yevropadagi ittifoqchilarni harbiy xarajatlar yetarli emasligi uchun tanqid qilgan va agar Yevropa davlatlari o‘z xarajatlarini oshirmasa, AQSH NATOni qo‘llab-quvvatlashni qisqartirishi mumkinligiga ishora qilgan edi.
Germaniyaning bo‘lajak kansleri Trampning Yevropa taqdiriga befarqligini aytdi
Fridrix Merzning so‘zlariga ko‘ra, Tramp ma’muriyatini Yevropa taqdiri qiziqtirmaydi.
Donald Trampning o‘tgan haftadagi bayonotlaridan so‘ng, bu hukumat Yevropa taqdiri haqida kam qayg‘urayotgani ma’lum bo‘ldi, dedi u.
Shimoliy Atlantika alyansi taqdiri haqida gapirar ekan, Merz qiziqish bilan “o‘sha paytda NATO haqida hozirgi holatda gapirishda davom etamizmi yoki Yevropaning mustaqil mudofaa tuzilmasini tezroq yaratishimiz kerakmi”, degan fikrni bildirdi.
Izoh (0)