Irlandiya Ukrainaga tinchlikparvar kuch sifatida o‘z qo‘shinlarini yuborishga tayyor. Bu haqda Irlandiya bosh vaziri Mishel Martin 27-fevral kuni prezident Vladimir Zelenskiy bilan uchrashuv yakunida ma’lum qildi.
Siyosatchilar urushni “barqaror va mustahkam” tinch yo‘l bilan hal etishga erishish bo‘yicha ishlarni, shuningdek, boshqa bir qator masalalarni muhokama qilgan.
Ukrainaning Yevropa ittifoqiga qo‘shilish muddatlarini tezlashtirishga juda qat’iy harakat qilishimizni aniq ko‘rsatdik. U bundan juda manfaatdor, dedi Martin.
Irlandiya bosh vaziri ta’kidlashicha, bu ustuvor vazifa, chunki u Ukrainaga ma’lum xavfsizlik kafolatlarini beradi va iqtisodiy jihatdan kelajakda mamlakat uchun katta imkoniyatlar ochadi. Shuningdek, Martin Ukrainani moliyaviy qo‘llab-quvvatlash muammosiga ham izoh berdi.
Biz Irlandiyaning Ukrainaga moliyaviy yordami masalasini muhokama qildik. Men Yevropa tinchlik jamg‘armasi doirasidagi majburiyatlarimiz Vengriyaning Yevropa ittifoqi tomonidan tashkil etilgan Yevropa tinchlik fondi mablag‘larini ajratishga veto qo‘yishi tufayli barbod bo‘lganini tushuntirdim, dedi bosh vazir.
Shu bilan birga, u Ukrainaga moliyaviy yordam ko‘rsatishning muqobil usullari ko‘rib chiqilayotganini va uchrashuv davomida bir qator g‘oyalar paydo bo‘lganini ta’kidladi.
Xususan, ularda maktab o‘quvchilarini ovqatlantirish bo‘yicha keng qamrovli, ammo cheklangan dastur mavjud. Biz ushbu tashabbusni qo‘llab-quvvatlashga va’da berdik hamda bu borada Ukraina amaldorlari bilan hamkorlik qilamiz, dedi u.
Bundan tashqari, Martin Zelenskiyning Yevropa ehtimoliy tinch kelishuvda markaziy o‘rin egallashiga “juda katta e’tibor qaratayotganini” ta’kidladi, shuningdek, Ukraina prezidenti AQSHning qo‘llab-quvvatlashini yuqori baholashini aytdi.
Britaniya Ukrainaga qo‘shin joylashtirishga tayyor
Buyuk Britaniya bosh vaziri Kir Starmer uning mamlakati xavfsizlik kafolatlarini ta’minlash uchun Ukrainaga qo‘shin yuborishga tayyorligini aytdi.
Bu, shuningdek, zarurat tug‘ilganda, o‘z qo‘shinlarimizni joylashtirish orqali Ukraina xavfsizligini ta’minlashga hissa qo‘shishga tayyor ekanimiz va istagimizni anglatadi. Ukraina xavfsizligini ta’minlashga ko‘maklashish qit’amiz va mamlakatimiz xavfsizligini kafolatlashga yordam beradi, dedi Starmer.
Shuningdek, Buyuk Britaniya urush tugaganidan so‘ng Ukraina havo hududinini qo‘riqlash uchun Typhoon qiruvchi samolyotlarini yuborishni rejalashtirmoqda.
Ukrainaga xavfsizlik kafolatlari nima uchun kerak?
Ukraina prezidenti Vladimir Zelenskiy AQSH o‘t ochishni to‘xtatishni istashi va bu ular uchun urushni to‘xtatishni anglatishi, biroq Ukraina uchun yetarli emasligi va kafolatlar kerakligini ta’kidlagan.
Ishonchim komilki, ular buni haqiqatan ham katta muvaffaqiyat, Putin yana hujumga jur’at etmaydi, deb hisoblaydi. Bizda xavfsizlik kafolatlari bo‘lishi kerak, deb hisoblaymiz, degan siyosatchi.
Zelenskiyning so‘zlariga ko‘ra, xavfsizlik kafolatisiz noaniqlik hukm suradi va har doim Rossiyaning takroriy hujumi xavfi bo‘ladi.
Izoh (0)