Qamchiq dovonida Honda avtomobili pastlikka tushib ketdi. Bu haqda FVV xabar berdi.
Keltirilishicha, holat A-373 Toshkent—O‘sh avtomobil yo‘lining “Qamchiq” dovoni qismida sodir bo‘lgan. Toshkent—Vodiy yo‘nalishida harakatlangan Honda avtomobilining haydovchisi boshqaruvni yo‘qotib yo‘l chetidagi to‘siqqa urilishi oqibatida uni kesib o‘tgan va xandaqqa tushib ketgan.
Bu to‘g‘risida “Qamchiq” maxsus-qidiruv, yong‘in-qutqaruv boshqarmasiga xabar berilgan. Xabarga asosan, zudlik bilan hodisa joyiga Qutqaruv otryadi hamda YPX xodimlari yetib borib, maxsus texnika va asbob-anjomlar yordamida avtomobil xavfsiz hududga olib chiqilgan. Avtomobilda haydovchining o‘zi bo‘lgan. Hodisa oqibatida tan jarohati olganlar yo‘q.
Chirchiq shahrida haydovchining ehtiyotsizligi oqibatida Spark kanalga tushib ketgani haqida xabar berilgan edi. Shuningdek, Farg‘ona viloyati Toshloq tumanida yashovchi fuqaro boshqaruvida bo‘lgan Damas ehtiyotsizlik oqibatida Farg‘ona kanaliga tushib ketgani xabar qilingan.
Izoh (0)