Rossiyada hukumat kvotasi asosida ishlash uchun keladigan migrantlarni rus tili bo‘yicha imtihondan ozod etish taklif etilmoqda. Bu haqda “Gazeta.ru” xabar berdi.
Bu ko‘zda turtilgan qonun loyihasini Davlat dumasiga taqdim etildi. Unga ko‘ra, davlat kvotasi doirasida mehnat qilishga keladigan chet el fuqarolari ishlashga ruxsatnoma rasmiylashtirishda rus tili, Rossiya tarixi va qonunchiligidan imtihon topshirishlari shart bo‘lmaydi.
Qayd etilishicha, bu chora xorijlik kadrlarni jalb qilish uchun vaqt va ma’muriy xarajatlarni qisqartirish, shuningdek, mamlakat iqtisodiyoti ehtiyojlarini yanada samarali qondirish imkonini beradi.
Bundan tashqari, loyiha bilan Rossiya Mehnat vazirligi tomonidan tasdiqlangan kasblar ro‘yxatidagi mutaxassislar uchun rus tili bo‘yicha bilimni tasdiqlovchi hujjatning amal qilish muddatini uzaytirish ham ko‘zda tutilmoqda.
Mehnat vazirligi tomonidan tasdiqlangan kasblar ro‘yxatidan mutaxassislar uchun rus tilini bilishini tasdiqlovchi hujjatning amal qilish muddatini oshirish ko‘zda tutilgan. Bu migrantlarning tilga moslashish jarayonini yanada samarali tashkil etish imkoniyatini yaratadi.
May oyining o‘rtalarida Rossiya maktablarida o‘qish uchun rus tili imtihonidan uch marta o‘ta olmagan migrantlarning farzandlarini vataniga qaytarib yuborish ham taklif qilgandi. Migrantlar nomiga bittadan ortiq SIM-kartani rasmiylashtirishni taqiqlash ham taklif etilmoqda.
Rossiya Davlat dumasida migrant ayollar uchun bepul tug‘ruqni taqiqlash ham taklif qilingan.
Izoh (0)