“An-Nassr” hujumchisi Krishtianu Ronaldu faoliyatini davom ettirish bo‘yicha ikki variant ustida o‘ylamoqda. Bu haqda Footmercato nashri xabar berdi.
Manbaga ko‘ra, birinchi variant — 40 yoshli portugaliyalik futbolchi Saudiya Arabistonining “An-Nassr” klubi bilan amaldagi shartnomasini uzaytirish. Riyodliklar allaqachon unga yangi shartnoma taklif qilgani aytilmoqda.
Ikkinchi variant — Ronaldu “Al-Hilol”ga o‘tish. Neymar jamoani tark etganidan so‘ng, Riyodning boshqa klubi Krishtianuni o‘z safga qo‘shib olishni istamoqda. Bundan tashqari, “Hilol”ning Klublar o‘rtasidagi Jahon chempionatida ishtirok etishi Ronalduning qaror qabul qilishida muhim omil bo‘lib xizmat qilishi mumkin.
Riyodning bu ikki klubi azaldan kuchli raqib hisoblanadi. Shu bois, Ronaldu Jahon chempionatida qatnashish uchun “Al-Hilol”ga o‘tsa, ko‘plab tanqidlar ostida qolishi mumkinligi aytilmoqda.
Avvalroq OAVda Ronaldu “An-Nasr”ni tark etishi mumkinligi haqida xabarlar chiqqan edi. Bunga futbolchining klubdagi faoliyati davomida aytarli sovrin yutolmagani sabab bo‘lgan.
Shuningdek, kecha, 27-may kuni hujumchika Meksika klubidan jiddiy taklif bo‘lganligi haqida xabarlar tarqalgandi.
Izoh (0)