FIFA prezidenti Janni Infantino IShowSpeed YouTube kanalida intervyu berdi. U mazkur suhbatda iyun-iyul oylari AQSHda o‘tkaziladigan Klublar o‘rtasidagi Jahon chempionatida Krishtianu Ronalduning qatnashish ehtimoli haqida gapirdi.
Mashhur strimer va Ronalduning ashaddiy muxlisi bo‘lgan Speed portugaliyalik futbolchining turnirda ishtirok etishi ehtimoli haqida savol berdi, Infantino esa bu mumkinligini istisno qilmadi:
Kristianu Ronaldu ushbu jamoalardan birida to‘p surishi mumkin. Ba’zi klublar bilan muzokaralar olib borilmoqda. Shunday ekan, agar buni o‘qiyotgan yoki videoni tomosha qilayotgan klublar bo‘lsa, Ronalduni Klublar o‘rtasidagi Jahon chempionatiga jalb qilishingiz mumkin. Hali vaqt bor, deydi FIFA prezidenti.
https://x.com/CabineSport/status/1925997912569282814?ref_src=twsrc%5Etfw%7Ctwcamp%5Etweetembed%7Ctwterm%5E1925997912569282814%7Ctwgr%5E208f62059058e080bb6639b4c3491f08a93f1733%7Ctwcon%5Es1_c10&ref_url=https%3A%2F%2Fwww.goal.com%2Fen%2Flists%2Fcristiano-ronaldo-fifa-president-gianni-infantino-ishowspeed-cr7-shock-transfer-bizarre-youtube-show-appearance-promote-club-world-cup%2Fblt84669d876a164603
Uzoq yillardan beri Infantino ushbu turnirni kengaytirish ustida ish olib bormoqda. Biroq uning ommalashtirilishi unchalik katta muvaffaqiyat qozonmagan. Dunyodagi eng kuchli klublari va futbolchilarining ishtirokiga qaramay, bu musobaqaga qiziqish hamon pastligicha qolmoqda. Infantino esa turnir boshlanishiga bir oy qolganida uni targ‘ib qilish uchun hattoki Ronalduning transferi haqidagi mish-mishlardan ham foydalanmoqda, deyiladi Goal nashrida.
Ma’lumot uchun, Ronalduning “An-Nassr”dagi kelajagi hamon mavhumligicha qolmoqda. Hujumchiga bir qancha klublar qiziqish bildirgani haqida mish-mishlar bor, ammo bu borada aniq ma’lumotlar yo‘q.
Izoh (0)