Saudiya Arabistoni chempionatining 27-turidan o‘rin olgan “An-Nassr” va “Ar-Riyod” o‘rtasidagi bahsda (2:1) portugaliyalik hujumchi Krishtianu Ronaldu ikkita gol urdi. Ushbu dubli orqali 40 yoshli futbolchi joriy mavsum Saudiya Pro Ligasidagi gollari sonini 23 taga yetkazdi va to‘purarlik poygasida peshqadamlikni mustahkamladi.
Krishtianu 26 uchrashuvda 23 ta gol urgan. Ronaldu eng yaqin ta’qibchisidan 4 ta golga o‘zib ketdi. Hozirda “Ash-Shabob” futbolchisi Abdulrazzoq Hamdallah 19 ta gol bilan 2-o‘rinda bormoqda. Karim Benzema (“Al-Ittihod”), Ayvon Toni (“Al-Ahli”) va Markos Leonardo (“Al-Hilol”) 17 ta gol bilan kuchli uchlikni bo‘lishib turibdi.
Ma’lumot uchun, Ronaldu va “An-Nassr” o‘rtasidagi amaldagi shartnoma yozda yakuniga etadi. Futbolchi hali riyodliklar bilan yangi bitim borasida kelishuvga erishgani yo‘q.
Avvalroq futbolchi yozda “Real”ga qaytishi mumkinligi haqida xabarlar tarqalgan edi. Transfermarkt portali portugal hujumchisining qiymatini 12 million yevroga baholanmoqda.
Izoh (0)