Forbes jurnali so‘nggi bir yil ichida eng ko‘p daromad olgan sportchilar reytingini e’lon qildi. Unga ko‘ra, Saudiya Arabistonining “An-Nassr” klubi va Portugaliya terma jamoasi hujumchisi Krishtianu Ronaldu 275 million dollar bilan birinchi o‘rinni egalladi.
Ronaldu bu daromadning 225 million dollarini futboldagi faoliyati — ya’ni maosh va bonuslar orqali, qolgan 50 million dollarini esa reklama shartnomalari hamda boshqa tijoriy loyihalardan topgan. Bu ko‘rsatkich o‘tgan yilgi natijaga nisbatan 15 million dollarga ko‘proqdir.
Ikkinchi o‘rinda amerikalik basketbolchi Stiven Karri (156 mln dollar), uchinchi o‘rinda esa britaniyalik bokschi Tayson Fyuri (146 mln dollar) qayd etilgan.
Argentinalik yulduz Lionel Messi esa beshinchi o‘rinni egallab, yil davomida 135 million dollar ishlab topdi. Qiziqarli jihati shundaki, Messi maydon tashqarisidagi daromadlar bo‘yicha (75 mln) Ronaldudan ustun, biroq sportdagi daromadida (60 mln) ancha ortda qolmoqda.
Forbes reytingiga ko‘ra, eng ko‘p daromad qilgan 10 nafar sportchi:
1. Krishtianu Ronaldu (futbol, Portugaliya) — 275 mln dollar
2. Stiven Karri (basketbol, AQSH) — 156 mln
3. Tayson Fyuri (boks, Buyuk Britaniya) — 146 mln
4. Dak Preskott (Amerika futboli, AQSH) — 137 mln
5. Lionel Messi (futbol, Argentina) — 135 mln
6. Lebron Jeyms (basketbol, AQSH) — 133,8 mln
7. Xuan Soto (beysbol, Dominikana) — 114 mln
8. Karim Benzema (futbol, Fransiya) — 104 mln
9. Shohei Otani (beysbol, Yaponiya) — 102,5 mln
10. Kevin Dyurant (basketbol, AQSH) — 101,4 mln
Izoh (0)