Besh karra “Oltin to‘p” sohibi, hozirda Saudiya Arabistonining “An-Nassr” klubi sharafini himoya qilayotgan Krishtianu Ronaldu zamonaviy futbolning eng yaxshi uch nafar futbolchisini aytib o‘tdi. Bu haqda Givemesport nashriga tayanib Championat xabar berdi.
Uch nafar eng yaxshi futbolchini sanaydigan bo‘lsam, o‘zimni, Lionel Messi va Zinedin Zidanni tanlardim, dedi Ronaldu Givemesport nashriga bergan intervyusida.
Joriy mavsumda 39 yoshli portugaliyalik “An-Nassr” safida barcha turnirlardagi 33 ta o‘yinda maydonga tushib, o‘z hisobiga 28 ta gol va 4 ta golli uzatma yozdirib qo‘ygan. Uning klub bilan tuzgan shartnomasi 2025-yilning yozigacha amal qiladi. Transfermarkt portali Ronalduning qiymatini 12 million yevroga baholamoqda.
Eslatib o‘tamiz, Lionel Messi hozirda AQSHning “Inter Mayami” jamoasida o‘ynayapti. Zidanning esa professional faoliyati yakunlangan.
Izoh (0)