“An-Nassr” klubining 40 yoshli hujumchisi Krishtianu Ronaldu Saudiya Arabistoni chempionatining eng yaxshi to‘purari bo‘lib turibdi.
Ikkinchi o‘rinda “Al-Ittihod” jamoasining 37 yoshli hujumchisi Karim Benzema joylashgan, uning hisobida 14 ta gol bor. Yetakchilar uchligiga “Al-Hilol” klubi hujumchisi Markos Leonardo yakun yasaydi. Braziliyalik futbolchi 12 ta gol urgan.
Kecha, 7-fevral kuni “Al-Feyha”ga qarshi to‘p surgan “An-Nassr” 3:0 hisobida g‘alaba qozondi. Gollardan biriga muallif qilgan Ronaldu Saudiya Pro ligasining joriy mavsumida gollar sonini 16 taga yetkazib oldi.
Hozirgacha Ronaldu faoliyati davomida 924 ta gol urgan, shundan 789 tasi klub darajasida, yana 135 tasi esa Portugaliya milliy jamoasi safida kiritilgan. Joriy mavsumda hujumchi barcha musobaqalarda 25 ta o‘yinda maydonga tushib, 23 ta gol va 4 ta golli uzatma amalga oshirgan. Transfermarkt portali ma’lumotlariga ko‘ra, futbolchining bozor qiymati 12 million yevroni tashkil etadi.
Izoh (0)