Portugaliya terma jamoasi Millatlar Ligasi finalida Ispaniyani mag‘lub etib, bosh sovringa ega chiqdi. Mazkur g‘alaba tarkibdagi 4 nafar futbolchi uchun 2024/25-yilgi mavsum boshidan beri 5-sovrin hisoblanadi.
Bunga qadar Nunu Mendesh, Jaou Nevesh, Vitinya va Gonsalu Ramush kabi futbolchilar Parijning “PSJ” klubi tarkibida 4 ta sovrin qo‘lga kiritgan edi.
Avvalroq ular “PSJ” safida quyidagi sovrinlarni qo‘lga kiritgan edi:
- Chempionlar Ligasi;
- Fransiya chempionati;
- Fransiya kubogi;
- Fransiya Superkubogi.
Shuningdek, Nunu Mendesh finalning eng yaxshi o‘yinchisi deb topildi. Himoyachi Ispaniyaga qarshi bahsda bir gol muallifiga aylandi, shuningdek, penaltilar seriyasida ham o‘z zarbasini aniq amalga oshirdi.
Ma’lumot uchun, Portugaliya Millatlar Ligasi finalida Ispaniyani penaltilar seriyasida mag‘lub etdi (asosiy va qo‘shimcha bo‘limlar — 2:2).
“PSJ” Fransiya chempionatida 84 ochko bilan birinchi o‘rinni egallagan bo‘lsa, mamlakat kubogi finalida “Reyms”ni 3:0, Superkubok bahsida “Marsel”ni 1:0 hisobida mag‘lub etdi. Parijliklar Chempionlar Ligasi hal qiluvchi uchrashuvida “Inter”dan 5:0 hisobida ustun kelib, bosh sovringa ega chiqdi.
Izoh (0)