Go‘zallik tanlovlari nafaqat tashqi ko‘rinish va nafislikni baholash, balki insonlarning irodasi, bilim va jamiyatga foydali ishlarga hissa qo‘shish qobiliyatini ham namoyish etadi. Quyida tarixda ilk bor o‘z mamlakatini “Dunyo go‘zali” kabi nufuzli musobaqada g‘alabaga olib chiqqan ayollar haqida so‘z boradi.
Hindistonning Haydarobod shahrida “Dunyo go‘zali-2025” tanlovi finali bo‘lib o‘tdi. Go‘zallik unvoni Opal Suchatu Chuangstriga nasib etdi. Shu tariqa birinchi marta tailandlik qiz dunyodagi eng go‘zal qizga aylandi.
Opal Suchata Chuangsri kim?
Tailandlik Opal Suchata Chuangsri Pxuket orolida tug‘ilgan. Uning ota-onasi mehmonxona biznesi bilan shug‘ullanadi. Hozirda Opal uchta sohada faoliyat yuritmoqda: u model bo‘lib ishlaydi, shu bilan birga, Thammasat universitetining Siyosatshunoslik fakultetida tahsil oladi. O‘qishi tufayli u ingliz va xitoy tillarini o‘rgangan, shuningdek, go‘zallik tanlovlarida bilim bilan bog‘liq savollarga osonlik bilan javob bera oladi.
Opal Suchata Chuangsri 2025-yilda “Dunyo go‘zali” tanlovining g‘olibasi sifatida mashhur bo‘ldi. U 16 yoshida ko‘krak saratoni sabab operatsiya bo‘lgan. Reabilitatsiyadan so‘ng, u o‘ziga o‘xshagan sog‘liq muammolari bilan yuzlashgan ayollarga yordam berishni boshlagan, tez-tez shifoxonalar va reabilitatsiya markazlariga boradi. U Opal For Her kompaniyasini tashkil qilgan. Bu kompaniya ayollarga ko‘krakdagi yangi o‘sma belgilarini vaqtida aniqlashni o‘rgatib, ayollar salomatligi bo‘yicha xabardorlikni oshirishga xizmat qiladi.
“Dunyo go‘zali” — 2018, meksikalik Vanessa Pons
Vanessa Pons de Leon Meksikadan chiqqan birinchi “Dunyo go‘zali” unvoni egasi bo‘ldi, bu voqea 2018-yilda yuz berdi. G‘olib 26 yosh edi. U Guanaxuato shahrida tug‘ilib o‘sgan, aynan shu yerda o‘qishni boshlagan hamda modellik faoliyatini bir vaqtda olib borgan.
Vanessaning ta’lim yo‘nalishi iqtisodiyot bo‘lib, u Guanaxuato universitetida xalqaro biznes bo‘yicha diplom olgan. Shu bilan birga, u Meksikaning modellik agentliklarida ham muvaffaqiyat qozongan, Mexico’s Next Top Model realiti-shousida qatnashgan va keyin mamlakatdagi asosiy go‘zallik tanloviga yo‘l olgan.
“Dunyo go‘zali” — 2015, ispaniyalik Mireya Lalaguna
Ishonish qiyin bo‘lsa-da, Ispaniya o‘z vakilining “Dunyo go‘zali” unvonini birinchi bor faqat 2015-yilda olgani bilan faxrlanishi mumkin. O‘shanda Mireya Lalaguna tojni boshiga kiydi. U Kataloniya hududida tug‘ilgan bo‘lib, g‘olib bo‘lgan paytda 23 yoshda edi. Mireya Barselona universitetida farmatsevtika bo‘yicha bakalavr va magistrlik darajasini olgan edi.
“Dunyo go‘zali” faqat go‘zallik tanlovi emas. Men ayollar elchisi bo‘lishni xohlayman va dunyoga go‘zallik faqat tashqi ko‘rinish emasligini ko‘rsatish imkoniyatiga ega bo‘lishni istayman, deydi Lalaguna.
Izoh (0)