Futbol maydonidagi yulduzlar nafaqat o‘z mahorati, balki shaxsiy hayotlari bilan ham ko‘pchilikning e’tiborini tortadi. Ularning oilasi, sevgi hikoyalari va ayniqsa rafiqalari haqida bilish doimo qiziqarli bo‘ladi. Maqolada futbol olamining eng chiroyli juftliklari bilan yaqindan tanishasiz.
Viktoriya Bekxem — Devid Bekxemning turmush o‘rtog‘i
Sport olamida eng taniqli juftliklardan biri: Viktoriya va Devid 1990-yillarning oxiridan beri jamoatchilik e’tiborida. Ular 1997-yilda tanishgan, bir yildan so‘ng esa unashtirilgan. O‘sha paytda Devid “Manchester Yunayted” jamoasida o‘ynagan, Viktoriya esa Spice Girls guruhining a’zosi edi.
Ularning to‘rt nafar farzandi bor: o‘g‘illari Bruklin Jozef, Romeo Jeyms va Kruz Devid, shuningdek, qizi Xarper Sevenni tarbiyalashmoqda.
Jorjina Rodriges — Krishtianu Ronalduning qallig‘i
Jorjina Rodriges va Krishtianu Ronaldu zamonaviy futbol olamidagi eng yorqin juftliklardan biri sanaladi. Ular 2017-yilda Jorjina ishlagan qimmatbaho kiyimlar do‘konida tanishgan. Juftlik rasmiy nikohda bo‘lmasa-da, Ronaldu o‘zining YouTube kanalidagi chiqishlardan birida Jorjinani “xotinim” deb aytgan.
Ularning besh nafar farzandi bor: Ronalduning avvalgi munosabatidan tug‘ilgan o‘g‘li — kichkina Krishtianu Ronaldu, surrogat onadan tug‘ilgan egizaklar — Eva Mariya va Mateo, shuningdek, umumiy farzandlari — qizlari Alana Martina va Bella Esmeralda.
Antonella Rokutsso — Lionel Messining rafiqasi
Antonella Rokutsso va Lionel Messi bolalikdan tanish. Messi Antonellani bir ko‘rishda sevib qolganini bir necha bor tan olgan. Hatto, futbolchi bu qiz kelajakda uning turmush o‘rtog‘i bo‘lishiga hech qachon shubha qilmagan.
Ular 2008-yildan buyon birga yashagan. Messi va Rokutsso 2017-yilda rasman turmush qurgan. Ularning uch nafar o‘g‘li bor: Tiago, Mateo va Chiro.
Pilar Rubio — Serxio Ramosning rafiqasi
Ro‘yxatdagi yana bir yorqin juftlik — Serxio Ramos va Pilar Rubio. Ular 2012-yildan boshlab uchrasha boshlashgan. Ramos 2018-yilda Rossiyada o‘tgan futbol bo‘yicha jahon chempionatidan so‘ng Pilarga turmush qurish taklifini bildirgan.
Er-xotinning to‘rt nafar o‘g‘li bor: Serxio, Marko, Alexandro va Maksimo.
Anna Levandovska — Robert Levandovskiyning jufti
Anna va Robert 2007-yilda tanishgan. Anna professional tarzda karate bilan shug‘ullangan va bu sport turi bo‘yicha bir necha bor musobaqalarda g‘olib chiqqan. Robert unga 2011-yilda turmush qurishni taklif qilgan, 2013-yilda esa to‘ylari bo‘lgan.
Juftlik Klara va Laura ismli ikki nafar qiz farzandni voyaga yetkazmoqda.
Sara Gyundogan — Ilkay Gyundoganning rafiqasi
Ilkay va Sara 2021-yilda ijtimoiy tarmoqlar orqali tanishgan. Ularning munosabatlari juda tez rivojlangan va yarim yil o‘tmay, Ilkay unga turmush qurishni taklif qilgan. 2022-yilning may oyida ular rasmiy ravishda er-xotin bo‘lishdi.
2023-yilning mart oyida ularning ilk farzandi — Kays ismli o‘g‘li dunyoga keldi.
Mishel Gertsig — Tibo Kurtuanning rafiqasi
Tibo Kurtua va Mishel Gertsig ham ijtimoiy tarmoqlarda tanishgan. Ular 2021-yilda uchrashishni boshlashgan, ikki yil o‘tib esa nikohdan o‘tishgan. To‘y arafasida Tibo va Mishel Ispaniya nashri Vanity Fair jurnalining muqovasida ham paydo bo‘lgan.
Aprel oyida Mishel ularning birinchi farzandi — Elli ismli qizini dunyoga keltirdi. Tiboning avvalgi munosabatlaridan Marta Dominges bilan ikki farzandi bor.
Mishel Lakrua — Kevin de Breynening rafiqasi
Mishel va Kevin ham 2013-yilda ijtimoiy tarmoqlarda tanishgan.
2016-yilda juftlikning birinchi farzandi Meyson Milian dunyoga kelgan. Bir yil o‘tib, Kevin va Mishel turmush qurishgan. 2018-yilda ikkinchi farzand — Roum tug‘ilgan. 2020-yil sentabrda esa qizaloq Suri dunyoga kelgan.
Izabel Haugsen YoXansen — Erling Holandning sevgilisi
Erling va Izabel bolalikdan tanish, Norvegiya “Bryune” futbol akademiyalarida birga shug‘ullangan. Yoshlar orasidagi do‘stlik, Erling Dortmundning “Borussiya” jamoasida o‘ynagan vaqtida romantik munosabatlarga aylangan.
Oktyabr boshida Norvegiya va Sloveniya o‘rtasidagi Ligalar o‘yinidan so‘ng (3:0) Holand ota bo‘lishini e’lon qilgan.
Ana Ivanovich — Bastian Shvaynshtaygerning rafiqasi
Ana Ivanovich sobiq professional tennischi va Fransiya Ochiq chempionati “Roland Garros” g‘olibasi. Ana va Bastian 2014-yilda uchrashishni boshlagan, ikki yil o‘tib esa turmush qurgan.
Ular Luka va Leon ismli ikki o‘g‘ilni tarbiyalayapti.
Izoh (0)