UEFA Millatlar Ligasi final bosqichi doirasidagi Portugaliya — Ispaniya uchrashuvi nihoyasiga yetdi. Hal qiluvchi bahsning asosiy va qo‘shimcha vaqtlarida 2:2 hisobidagi durang qayd etildi. G‘olib penaltilar seriyasida aniq bo‘lib, Portugaliya 5:3 hisobida zafar quchdi.
Uchrashuvdagi hisobni Ispaniya ochdi — 21-daqiqada Martin Subimendi raqib darvozasiga yo‘l topdi. Oradan atigi besh daqiqa o‘tib, Portugaliya javob golini kiritdi — Nunu Mendesh hisobni tenglashtirdi. Bo‘lim yakunida Subimendi ikkinchi bor Diogu Koshtani dog‘da qoldirib, Ispaniyani yana oldinga olib chiqdi.
Ikkinchi bo‘lim ham murosasiz kurashlar bilan boshlandi. 61-daqiqada Krishtianu Ronaldu hisobni 2:2 ko‘rinishga keltirdi. Qolgan vaqt davomida, jumladan qo‘shimcha bo‘limlarda ham hisob o‘zgarmadi va jamoalar penaltilar seriyasiga murojaat qilishga majbur bo‘ldi.
Penaltilar seriyasida Portugaliya futbolchilari barcha zarbani aniq ijro etishdi. Ispaniya safida esa Alvaro Morata o‘z imkoniyatini boy berdi. Shu tariqa Portugaliya UEFA Millatlar Ligasi chempioniga aylandi.
Millatlar Ligasi
Final
8-iyun, yakshanba
Portugaliya — Ispaniya 2:2 (penaltilar — 5:3)
Gollar: 0:1 — Subimendi (21), 1:1 — Mendesh (26), 1:2 — Subimendi (45+1), 2:2 — Ronaldu (61).
Izoh (0)