O‘zbekiston bo‘ylab 43 mlrd so‘mlik davlat xaridlarida raqobatga zid harakatlar aniqlanib, savdolar bekor qilindi, deb xabar bermoqda Raqobat qo‘mitasi.
Keltirilishicha, qo‘mita tomonidan o‘tkazilgan o‘rganishlar natijasida umumiy qiymati 43 mlrd so‘mga yaqin bo‘lgan davlat xaridlarida raqobatga zid holatlar aniqlanib, buyurtmachilar tomonidan tanlovlar bekor qilindi. Xususan:
Andijon viloyatida Ijtimoiy qo‘llab-quvvatlash markazi tomonidan 11 mln so‘mlik “Choyshab va ko‘rpa xaridi” bo‘yicha o‘tkazilgan tanlovda ishtirokchilar noxolis baholangani aniqlangan. Natijada tanlov ixtiyoriy ravishda bekor qilindi.
Jizzax viloyatida Futbol akademiyasi tomonidan 1,76 mlrd so‘mlik autsorsing xizmatlari xaridi bo‘yicha tanlovda raqobatni cheklovchi talablar belgilangan. Buyurtmachi tanlovni o‘z ixtiyori bilan bekor qilgani sababli ish yuritish tugatildi.
Qashqadaryo viloyatida Qamashi tuman obodonlashtirish boshqarmasi tomonidan 1,1 mlrd so‘mlik avtogreyder xaridi bo‘yicha o‘tkazilgan tanlovda baholash mezonlari mavjud emasligi va ishtirokchilar noxolis baholangan holatlar qayd etildi. Savdo buyurtmachi tomonidan bekor qilindi.
Samarqand viloyatida 8 ta tashkilot tomonidan umumiy qiymati 12,4 mlrd so‘mlik xaridlarda raqobat qonunchiligiga zid holatlar aniqlanib, barcha savdolar bekor qilindi.
Xorazm viloyatida Bog‘ot tumanidagi sport maktab-internati (1,4 mlrd so‘m), Urganch tumani hokimligi (43,7 mln so‘m) va Toshkent tibbiyot akademiyasi Urganch filiali (29,8 mln so‘m) tomonidan o‘tkazilgan xaridlarda qonun buzilishi holatlari aniqlanib, hududiy boshqarma ogohlantirishlari asosida bekor qilindi.
Toshkent shahrida esa “Texnik me’yorlash instituti”, Uzbekistan Airways AJ, “Xalq banki” ATB, “Biznesni rivojlantirish banki” ATB, “FK Bunyodkor” MCHJ, Iqtisodiyot va moliya vazirligi huzuridagi AT markazi va boshqa davlat tashkilotlari tomonidan o‘tkazilgan umumiy qiymati 25,7 mlrd so‘mlik tanlovlarda ham raqobatga zid harakatlar qayd etilgan. Barcha savdolar bekor qilingan.
Hududiy boshqarma Maxsus komissiyasi tomonidan mazkur buyurtmachilarga nisbatan ishlar qo‘zg‘atilib, ularni ko‘rib chiqish davrida buyurtmachilar tomonidan savdolarni bekor qilinishiga erishilgan.
May oyida Korrupsiyaga qarshi kurashish agentligi tomonidan joriy yilning yanvar—aprel oylarida davlat buyurtmachilari tomonidan 21 mlrd so‘mlik 18 ta davlat xaridida qonun buzilishi holatlariga yo‘l qo‘yilgani aniqlangandi.
Eng ko‘p yashirilgan hujjatlar qaysi viloyatga tegishli
Vodiy viloyatlari hamda shahar va tumanlari hokimliklari, shuningdek, mahalliy kengashlar tomonidan 2025-yilning 1-yanvaridan 31-yanvar kuniga qadar “E-qaror” platformasi orqali jami 3 435 ta hujjat imzolangan.
Eng ko‘p hujjat Namangan viloyatiga tegishli bo‘lib, oy davomida hokimlik va kengashlar tomonidan 1 311 ta qaror va farmoyish qabul qilingan. Farg‘ona viloyatida esa 1 302 ta, Andijon viloyati hokimliklari tomonidan esa qo‘shni viloyatdagi hamkasblariga nisbatan ancha oz, 822 ta hujjat imzolangan.
Izoh (0)