“Daryo” nashri bugun, 16-avgustda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Senat yalpi majlisida huquq-tartibot xodimlari videolarini “obro‘sizlantirish maqsadida” tarqatishni taqiqlovchi qonun ma’qullanmadi
Qonun qayta ko‘rib chiqish uchun qaytarildi.
O‘zbekistonda bolani noqonuniy diniy ta’limga jalb qilganlik uchun javobgarlik ko‘zda tutilgan qonun ma’qullandi
Ota-onalarning bolalarni o‘qitish, taʼlim va tarbiya berishga doir majburiyatlarini bajarish borasidagi masʼuliyati kuchaytiriladi.
Toshkentdan uchta viloyatga yangi avtobus qatnovlari yo‘lga qo‘yiladi
Avtobuslar Qashqadaryo, Surxondaryo va Sirdaryo hududlariga qatnaydi.
Surxondaryodagi bog‘chada 5 yoshli bolani urgan tarbiyachi ishdan olindi
Uning ortidan bog‘cha direktori ham ishdan ketdi.
Oliy sud sobiq qishloq xo‘jaligi vaziri Aziz Voitov va boshqalarga doir sud ishi haqida ma’lumot berdi
Ochiq sud jarayoni 5-sentyabr kuni boshlanishi e’lon qilindi.
“Uyimni sotib bo‘lsa ham beraman” — Ozodbek Nazarbekov “Ovoz” loyihasiga sarflangan 2 mlrd so‘m uchun malomat qilmaslikni so‘radi
Madaniyat vaziri agar jamoatchilik byudjetdan sarflangan mablag‘ga e’tiroz bildirayotgan bo‘lsa, pulni o‘z yonidan qaytarib to‘lashga roziligini ma’lum qildi.
11,4 mlrd so‘mlik davlat xaridlari qonunchilikka zid tarzda o‘tkazilishining oldi olindi
Korrupsiyaga qarshi kurashish agentligining taqdimnomalari asosida xarid komissiyasining g‘olibni aniqlash haqidagi bayonnomalari bekor qilindi.
Bosh prokuror Nig‘matilla Yo‘ldoshev Kurash federatsiyasi raisligiga qayta saylandi
U yangi 5 yillik muddatda mamlakat Kurash federatsiyasiga rahbarlik qiladi.
Izoh (0)