O‘zbekistonliklar Qatarga eng kami 800 dollar maoshlik ishga chaqirilmoqda. Bu haqda Migratsiya agentligi xabar berdi.
Migratsiya agentligi va Qatarning Jusour rekruting tashkiloti hamkorligida fuqarolar uchun Qatarda mehmonxona sohasida ishga joylashish imkoniyati taqdim etilmoqda. 15 ta yo‘nalish bo‘yicha bo‘sh ish o‘rinlari mavjud.
Nomzodlarga qo‘yiladigan umumiy talablar:
- 21 yoshdan katta erkak va ayol nomzodlar;
- ingliz tilini kamida B1 darajasida bilish (erkin muloqot qila olish);
- sudlanmaganlik;
- O‘zbekiston hududidan chiqishga taqiq bo‘lmasligi.
Ish beruvchi tomonidan taqdim etiladigan shart-sharoitlar:
- Minimal oylik maosh: 800 AQSH dollari.
- Qatarga borish xarajatlari qoplanadi.
- Ishchi vizasi rasmiylashtiriladi.
- Tibbiy sug‘urta ta’minlanadi.
- Mahalliy transport xarajatlari qoplanadi.
- Yotoq joyi va ovqat xarajatlari ta’minlanadi.
Nomzodlar ingliz tilida tayyorlangan, quyidagi ma’lumotlarni o‘z ichiga olgan CV taqdim etishi shart:
- avval ishlagan kompaniya nomi;
- ishlagan yillar (masalan: 2019–2022);
- egallagan lavozim va bajargan vazifalar.
Qayd etilishicha, ro‘yxatdan o‘tish ishga joylashishni kafolatlamaydi. Nomzodlar ish beruvchilar tomonidan kelib tushgan talabnomalarga asosan tanlov asosida saralanadi.
Bu ushbu davlat tomonidan bildirilgan ilk taklif etmas
24-mart kuni agentlik va Qatarning Hamad Medical Corporation kompaniyasi tomonidan mamlakatdagi hamshiralardan arizalar qabul qilinayotgani haqida xabar berilgan. Jami ish o‘rni 10 ta, ish haqi oyiga 2750 dollarni tashkil etadi.
Ish uch smenali tizimda amalga oshirilib, haftasiga 48 soat, 6 kunni tashkil etadi. Nomzodlar uchun shartlar: 18−50 yosh oralig‘ida bo‘lish, tibbiyot sohasida kamida 2 yillik ish stajiga ega bo‘lish hamda ingliz tilini mukammal bilish.
Izoh (0)