Joriy yilning aprel—may oylarida jami 11,4 mlrd so‘mlik davlat xaridlarida qonunbuzilish holatlari aniqlandi, deya xabar bermoqda Korrupsiyaga qarshi kurashish agentligi.
Jumladan, quyidagi davlat xaridlarida manfaatlar to‘qnashuviga yo‘l qo‘yilgan:
- O‘zyo‘lko‘prik klasterining Navoiy filiali — 2,0 mlrd so‘mlik;
- “Samarqand avtomobil zavodi” MCHJ — 1,97 mlrd so‘mlik;
- Kasbi tumani maktabgacha va maktab taʼlimi bo‘limi — 813,5 mln so‘mlik;
- Kattaqo‘rg‘on tuman yo‘llardan foydalanish korxonasi — 600 mln so‘mlik;
- To‘rtko‘l tumani Obodonlashtirish boshqarmasi — 433 mln so‘mlik;
- Toshkent viloyati Ftiziatriya va pulmonologiya markazi — 405 mln so‘mlik;
- Termiz davlat pedagogika instituti — 383,1 mln so‘mlik;
- Sirdaryo viloyati IIB Jamoat xavfsizligi xizmati Yo‘l harakati xavfsizligi boshqarmasining maxsus ekspluatatsiya-montaj bo‘limi — 250,5 mln so‘mlik;
- “Namangan suv taʼminoti” MCHJ — 240,8 mln so‘mlik;
- O‘simliklar karantini va himoyasi agentligining Qashqadaryo viloyati chigirtka va tut parvonasiga qarshi kurash xizmati — 210 mln so‘mlik;
- Taxiatosh tuman yo‘llardan foydalanish davlat muassasasi — 161,2 mln so‘mlik;
- Toshkent shahar 52-sonli imkoniyati cheklangan bolalar uchun ixtisoslashtirilgan maktab — 140,4 mln so‘mlik;
- Urgut “Muruvvat” nogironligi bo‘lgan shaxslar uchun erkaklar internat uyi — 117,6 mln so‘mlik;
- Narpay tumani sport maktabi — 108,6 mln so‘mlik;
- Ishtixon davlat o‘rmon xo‘jaligi — 100 mln so‘mlik;
- Uchqo‘rg‘on tuman obodonlashtirish boshqarmasi — 61 mln so‘mlik davlat xaridlari.
Shuningdek, quyidagi davlat xaridlarida qonunchilik talablariga zid ravishda o‘zaro affillangan shaxslar ishtirok etganligi aniqlandi:
- Amudaryo tumani obodonlashtirish boshqarmasi — 946 mln so‘mlik;
- Respublika ixtisoslashtirilgan ona va bola salomatligi ilmiy-amaliy tibbiyot markazi Surxondaryo viloyati filiali — 720 mln so‘mlik;
- Mo‘ynoq tuman yo‘llardan foydalanish korxonasi davlat muassasasi — 627 mln so‘mlik;
- “O‘zbektelekom” AK — 494,9 mln so‘mlik;
- Bolalar milliy tibbiyot markazi — 312 mln so‘mlik;
- Navoiy viloyat sport boshqarmasi Sportning o‘yin turlari va yengil atletikaga ixtisoslashtirilgan sport maktabi — 167 mln so‘mlik;
- Yuqori Chirchiq tuman yo‘llardan foydalanish unitar korxonasi — 160 mln so‘mlik davlat xaridlari shular jumlasidandir.
Yuqoridagi holatlar bo‘yicha agentlikning taqdimnomalari asosida xarid komissiyasining g‘olibni aniqlash haqidagi bayonnomalari bekor qilinib, ko‘rsatib o‘tilgan davlat xaridlari qonunga xilof ravishda o‘tkazilishining oldi olindi.
“O‘rganish va tahlillar jarayonida to‘plangan hujjatlar qonuniy chora ko‘rish uchun huquqni muhofaza qiluvchi organlarga yuborildi”, deyiladi agentlik xabarida.
Izoh (0)