Andijon viloyati Jalaquduq tumanida 9 yoshli bola yiqilishi oqibatida qo‘lidagi qaychi bo‘yniga kirib ketdi. Bu haqda “BuKun” dasturida xabar berildi.
Maʼlum qilinishicha, u velosiped shinasini taʼmirlash maqsadida shoshilib, qo‘lidagi qaychi bilan yugurib ketayotgan paytida bexosdan yiqilib tushgan. Shu payt qaychi bolakayning bo‘yniga sanchilib qolgan. Bolakay hayoti shifokorlarning tezkor harakati sabab saqlab qolindi.
“25-iyun kuni soat taxminan 16:00 larda chaqiruv munosabati bilan shoshilinch Jalaquduq tumaniga yetib bordik. Bemor qaychi bilan bo‘yin sohasidan jarohat olgan. Unga shifoxonada birinchi tibbiy yordam ko‘rsatilib, qon to‘xtatilib, tomirlar shikastlanmagani aniqladi”, deydi shifokor.
Hozirda bola sog‘-salomat, ota-onasining yonida.
Bundan avval Buxoro viloyati Qorako‘l tumanida 2 yoshli bola tangalarni yutib yuborgani aniqlandi. 2025-yilning yanvarida farg‘onalik 2 yoshli qizaloqning qornidan 135 ta magnit sharcha chiqarib olingandi. O‘sha oyda qozog‘istonlik jarrohlar 4 yoshli bolaning ichaklaridan 39 ta magnit sharni olib tashlagandi.
Izoh (0)