Donald Tramp ma’muriyatining Nigeriyadagi USAID dasturlarining 80 foizini to‘xtatish qarori Jahon oziq-ovqat dasturi (WFP) tomonidan ko‘rsatilayotgan oziq-ovqat yordamining to‘xtashiga olib keldi. Natijada avgust oyidan boshlab 1,3 million kishi yordamsiz qoladi, deya xabar bermoqda The Independent.
Iyul oyiga kelib mablag‘lar tugaydi. Odamlar och qolishi muqarrar — bu moliyalashtirish qisqartirilishining to‘g‘ridan to‘g‘ri oqibatidir, dedi WFP vakili Chi Lael.
AQSH Nigeriyada WFP byudjetining asosini tashkil etgan 200 million dollarlik shartnomalarni bekor qilgan. Bu esa mintaqalardagi inqirozni yanada chuqurlashtirdi. WFP klinikalari yopilishi natijasida 300 ming bola davolanish imkoniyatidan mahrum bo‘ladi.
Ilgari Lancet jurnali Tramp davrida gumanitar byudjetlarning qisqarishi 2030-yilga kelib 14 million qurbonga olib kelishi mumkinligini bashorat qilgan edi. Nigeriya aprel oyida misli ko‘rilmagan suv toshqinlaridan so‘ng oziq-ovqat xavfsizligi bo‘yicha favqulodda holat e’lon qildi.
AQSH davlat kotibi Marko Rubio ma’lum qilishicha, AQSH Xalqaro taraqqiyot agentligi (USAID) 1-iyuldan boshlab tashqi yordam dasturlarini boshqarishni rasman to‘xtatdi.
Izoh (0)