Toshkent shahrida Milliy gvradiya xodimlari Anhorda cho‘kayotgan fuqaroni qutqarib qoldi. Bu haqda poytaxt FVB xabar berdi.
Unga ko‘ra, 17-iyun kuni Shayxontohur tumani “Anhor Lokomativ” bog‘i hududidan oqib o‘tuvchi Anhor kanalida bir fuqaro cho‘kayotgan bo‘lgan. Ushbu hududda xizmat olib borayotgan Milliy gvardiya harbiy xizmatchilari — oddiy askar Yuldoshev.O hamda oddiy askar Valiyev.B tomonidan ko‘rilgan tezkor harakatlar natijasida fuqaroning hayoti saqlab qolindi.
Ushbu harbiy xizmatchilarning mazkur fidokorona xizmati e’tiborga olinib, favqulodda vaziyatlar vaziri nomidan rag‘batlantirildi.
5-iyun kuni Farg‘ona viloyati Oltiariq tumanida uch nafar voyaga yetmagan bola sun’iy suv havzasiga cho‘kib ketgan edi. Hozirda prokuratura tomonidan tergovga qadar tekshirish harakatlari olib borilmoqda.
May oyining boshlarida esa Toshkentning Bo‘rijar kanaliga tushib ketgan qizlarni qutqargan erkakning o‘zi halok bo‘lgandi. Davlat rahbari marhumning rafiqasi va farzandlariga hamdardlik bildirdi va marhum Abdumannop Samiqov “Jasorat” medali bilan mukofotlandi. Mukofot uning oila a’zolariga topshirildi. Marhumning turmush o‘rtog‘iga moddiy yordam tariqasida 50 mln so‘m topshirildi.
Ayni payda Favqulodda vaziyatlar vazirligi tomonidan yoz mavsumida suvda cho‘kish holatlarining oldini olish maqsadida keng ko‘lamli profilaktik tadbirlar olib borilmoqda. Tegishli mutaxassislar ishtirokida o‘tkazilgan o‘rganishlar natijasida respublika bo‘ylab 2 004 ta cho‘milish taqiqlangan suv obyektlari aniqlanib, ular ro‘yxatga olinib, nazoratga olingan.
Qibrayda FVV qutqaruvchilari tomonidan kanalga tushib ketgan fuqaro qutqarilgandi.
Izoh (0)