Ijtimoiy tarmoqlarda tarqalgan Navoiy shahridagi xiyobonda bir guruh qizlar janjallashib bir-birini urgani aks etgan video tarqaldi. Holat yuzasidan bolalar ombudsmani ma’lumot berdi.
Ma’lum bo‘lishicha, holat joriy yilning 30-iyun kuni sodir bo‘lgan. J.X. (2004-yilda tug‘ilgan qiz bola) hamda T.D. (2006-yilda tug‘ilgan qiz bola) Navoiy shahridagi istirohat bog‘idagi o‘zlariga notanish bo‘lgan 4 nafar voyaga yetmagan qiz (2010, 2011, 2012-yillarda tug‘ilgan) bilan attraksionda uchish vaqtida o‘zaro nomunosib muomala tufayli janjal yuzaga kelib, J.X. va T.D. qizlarni kaltaklagan.
Hozirda holat yuzasidan Navoiy shahar IIB tomonidan tergovga qadar tekshiruv harakatlari olib borilmoqda.
Samarqandda 18 yosh qiz maktabga kelib, o‘quvchi qizlarni “samosud” qilgani haqida xabar berilgandi. Maktab direktorining so‘zlariga ko‘ra, qizlar o‘rtasidagi nizoga ijtimoiy tarmoqlar izohidagi haqoratli so‘zlar sabab bo‘lgan.
Bundan tashqari, Payariq tumanidagi 58-umumiy o‘rta taʼlim maktabida o‘quvchi qiz sinfdoshi tomonidan “samosud” qilingan.
Bulung‘ur tumanida esa ikkita maktabning o‘quvchi qizlari o‘zaro mushtlashishgan edi.
Ishtixon tumanida esa 10-sinf qiz yigit talashib o‘zidan uch yosh kichik qizni kaltaklagan edi.
Izoh (0)