Surxondaryo viloyati Oltinsoy tumani 59-maktab yaqinida 9 nafar maktab o‘quvchilari 2 nafar bolani kaltaklagani haqida xabarlar tarqaldi. Viloyat MMTB holatga izoh berdi.
Unga ko‘ra, mazkur holat joriy yilning 9-aprel kuni dars mashg‘ulotlaridan so‘ng maktab hududidan tashqarida sodir bo‘lgan. Tumandagi 15-sonli hamda 59-sonli umumtaʼlim maktablarining bir guruh 11-sinf o‘quvchilari hamda tumanning “Qiziltepa” mahallasida yashovchi fuqaro o‘rtasida o‘zaro kelishmovchilik yuzasidan janjal kelib chiqqan.
Holat bo‘yicha Oltinsoy tuman IIB tomonidan jinoyat ishi ochilgan bo‘lib, tergov harakatlari olib borilmoqda.