Toshkent viloyati Yangiyo‘l shahrida 8-sinf o‘quvchilari maktab stadionida janjallashdi. Viloyat Maktabgacha va maktab ta’limi boshqarmasi holatga izoh berdi.
Ma’lum qilinishicha, holat shu kunning o‘zida viloyat Maktabgacha va maktab ta’limi boshqarmasi tomonidan nazoratga olinib o‘rganish ishlari olib borildi. Ushbu janjal viloyatning Yangiyo‘l shahridagi 2-sonli umumta’lim maktabi 8-sinf o‘quvchilari ishtirokida, dars jarayonlaridan keyin maktab stadionida sodir etilgan.
Shu kunning o‘zida jajallashgan o‘quvchilar ota-onalari shahar Maktabgacha va maktab ta’limi bo‘limiga chaqirtirilgan. Ogohlantirish berilgan.
Avvalroq Toshkent shahar Olmazor tumanida maktab o‘quvchisi ustiga futbol darvozasi tushib ketishi oqibatida vafot etgani haqida xabar berilgandi.
Shuningdek, Andijondagi maktablardan birida o‘quvchi maktabdoshini kaltaklagani haqida xabar berilgandi. Bundan tashqari, Buxoroda ixtisoslashtirilgan maktab-internati o‘qituvchisi ruhiy nogiron o‘quvchini urgani xabar qilingandi.
Izoh (0)