Xorazm viloyati Urganch tumanida joylashgan ikki maktab o‘quvchisi o‘rtasida janjal sodir bo‘ldi. Viloyat maktabgacha va maktab taʼlimi boshqarmasi holat bo‘yicha maʼlumot berdi.
Mazkur holatni o‘rganish maqsadida viloyat maktabgacha va maktab taʼlimi boshqarmasining ishchi guruhi tuzilib, o‘rganish ishlari olib borilgan. Aniqlanishicha, Urganch tumani “Kattabog‘” mahallasida joylashgan 23-sonli maktabining 8-sinf o‘quvchisi oldindan tanishi bo‘lgan 1-maktab o‘quvchisi o‘rtasida ijtimoiy tarmoq orqali o‘zaro kelishmovchilik yuz bergan.
Shundan so‘ng 1-may kuni 1-son maktab o‘quvchisi 23-son maktabga kelib, o‘quvchini chaqirib olgan va ular o‘rtasida janjal kelib chiqqan. Ushbu holat atrofda bo‘lgan o‘quvchilar tomonidan tasvirga olinib, ijtimoiy tarmoqqa joylangan.
Janjal oqibatida hech bir o‘quvchi tan jarohati olmagani, shu yerda kuzatib turgan o‘quvchilar ularni oralab ajratgani aniqlandi. Ushbu holat yuzasidan tegishli tashkilotlar tomonidan surishtiruv ishlari olib borilmoqda.
Qayd etilishicha, mazkur holat boshqa takrorlanmasligi, o‘quvchilarning tarbiyasi, oila, maktab va keng jamoatchilik mexanizmi hamkorligini yanada mustahkamlash borasida o‘quvchilar tahsil oladigan taʼlim muassasalarida tushuntirish ishlari olib borilmoqda.
Izoh (0)