Ижтимоий тармоқларда тарқалган Навоий шаҳридаги хиёбонда бир гуруҳ қизлар жанжаллашиб бир-бирини ургани акс этган видео тарқалди. Ҳолат юзасидан болалар омбудсмани маълумот берди.
Маълум бўлишича, ҳолат жорий йилнинг 30 июнь куни содир бўлган. Ж.Х. (2004 йилда туғилган қиз бола) ҳамда Т.Д. (2006 йилда туғилган қиз бола) Навоий шаҳридаги истироҳат боғидаги ўзларига нотаниш бўлган 4 нафар вояга етмаган қиз (2010, 2011, 2012 йилларда туғилган) билан аттракционда учиш вақтида ўзаро номуносиб муомала туфайли жанжал юзага келиб, Ж.Х. ва Т.Д. қизларни калтаклаган.
Ҳозирда ҳолат юзасидан Навоий шаҳар ИИБ томонидан терговга қадар текширув ҳаракатлари олиб борилмоқда.
Самарқандда 18 ёш қиз мактабга келиб, ўқувчи қизларни “самосуд” қилгани ҳақида хабар берилганди. Мактаб директорининг сўзларига кўра, қизлар ўртасидаги низога ижтимоий тармоқлар изоҳидаги ҳақоратли сўзлар сабаб бўлган.
Бундан ташқари, Пайариқ туманидаги 58-умумий ўрта таълим мактабида ўқувчи қиз синфдоши томонидан “самосуд” қилинган.
Булунғур туманида эса иккита мактабнинг ўқувчи қизлари ўзаро муштлашишган эди.
Иштихон туманида эса 10-синф қиз йигит талашиб ўзидан уч ёш кичик қизни калтаклаган эди.
Изоҳ (0)