Kinolarda sevishgan rolini ijro etayotgan yulduzlar ko‘pincha shaxsiy hayotda ham munosabat boshlaydi. Lekin har doim ham bunday munosabatlar to‘y bilan yakun topavermaydi. Qaysi yulduzlar suratga olish maydonida tanishgani va ularning munosabatlari qanday yakunlanganini maqolada bilib olasiz.
Zak Efron va Vanessa Enn Xajens
Yulduzlarning yaqin tanishuvi 2005-yilda “Zo‘r myuzkl” filmida suratga olish jarayonida yuz berdi. Sevishganlar munosabatlarini yashirib kelgan, ammo 2007-yilda Vanessa En Hadjens Zak Efron bilan uchrashayotganini tasdiqladi. Shu yili Vanessaning “Say OK” qo‘shig‘iga klip chiqdi, unda Zak ham ishtirok etdi. Shundan so‘ng juftlikni turli tadbirlarda tez-tez ko‘rishar va ular o‘z his-tuyg‘ularini yashirmas edilar.
2009-yilda Hajens va Efron “Oskar” mukofotlari taqdimotida birga ko‘rinish berdilar. Lekin bir yil o‘tib, ularning ajrashgani haqida ma’lumot tarqaldi. 2023-yil dekabrida Hajens beysbolchi Kol Takerga turmushga chiqdi, 2024 yil yozida esa ona bo‘ldi. Zak Efron esa hali ham o‘zining ikkinchi yarmini izlamoqda.
Bred Pit va Anjelina Joli
Yulduzlar 2003-yilda “Janob Smit va Smit xonim” komedik jangari filmining suratga olish jarayonida tanishgan. O‘sha paytda Joli allaqachon ajrashgandi (to‘rt yillik nikohdan so‘ng aktyor Billi Bob Tornton bilan ajrashgan), Pitt esa Jennifer Enistonga uylangan edi. Jolining aytishicha, ular tezda bir-biriga oshiq bo‘lmagan. Dastlab ular faqat birga ishlashdan zavqlangan.
2005-yilda Pitt rafiqasidan ajrashib, Anjelina bilan Efiopiyaga bordi. 2007-yilda Joli birinchi bor hamkasbi bilan munosabatlari haqida gapira boshladi. Besh yil o‘tgach, juftlik to‘yga tayyorgarlik ko‘rishni e’lon qildi. Bred Pitt va Anjelina Joli 2014-yilda ajoyib to‘y marosimini o‘tkazishdi.
Go‘zal sevgi tarixi 2016-yilda yakunlandi. O‘n ikki yillik munosabatdan so‘ng aktrisa ajrashish uchun ariza berdi va hal etib bo‘lmas kelishmovchiliklarni asos qilib ko‘rsatdi. Nikohni bekor qilish uchun sakkiz yil vaqt ketdi. Bu vaqt ichida Pitt Joli ustidan sudga da’vo arizasi berdi, chunki u o‘zining vino ishlab chiqarish korxonasidagi ulushini sotib, kompaniya obro‘siga zarar yetkazganini aytdi.
Robert Pattinson va Kristen Styuart
Ushbu juftlik munosabatlari 2008-yilda “Sumerki: Zulmat ostonasidagi muhabbat” filmining birinchi qismi suratga olinayotganda boshlangan. 2009-yil o‘rtalarida Robert Pattinson va Kristen Styuart uchrashayotgani ma’lum bo‘ldi. Styuartning aytishicha, dastlab ular qo‘l ushlashmaslikka harakat qilishgan, chunki paparatssilardan qochish kerak edi. Aktrisaning fikricha, ommaviy e’tibor sabab, ularning munosabatlari yomonlashgan.
2012-yilda Styuart “Qorqiz va ovchi” filmi rejissyori Rupert Sanders bilan o‘pishayotgani kameraga tushdi. Shundan so‘ng janjal yuz berdi, ammo Kristen sevgilisi bilan yarashishga muvaffaq bo‘ldi, garchi bu uzoq davom etmagan bo‘lsa-da. Juftlik 2013-yil may oyida ajrashdi. Hozirda Robert Pattinson model va aktrisa Suki Outerxausga uylangan.
Jeff Goldblum va Lora Dern
Mashhurlar “Yura davriga sayohat” filmini suratga olish jarayonida tanishdi. Jeff Goldblum bir intervyuda Lora Dernni aktyor sifatida ko‘p yillardan beri hurmat qilganini aytdi, ammo ular birga ishlagach, orasidagi farq 15 yosh bo‘lishiga qaramay, bir-birlarini sevib qolganini tushunishdi.
1995-yilda Goldblum Lora Dernga uylanishni taklif qildi, ammo ikki yil o‘tib ular ajrashdi. Jeff esa 10 yildan beri gimnast Emily Livingston bilan turmushda. Ularning Charli Oueshn va River Joe ismli ikki o‘g‘li bor. Lora Dern bir necha yil musiqachi Ben Harper bilan qurgan, undan qizi Jay va o‘g‘li Elleri Uolker tug‘ilgan. Juftlik 2013-yilda ajrashdi.
Endryu Garfild va Emma Stoun
Ularning taqdiri “Yangi o‘rgimchak odam” blokbasterining suratga olish jarayonida bog‘landi. Endryu va Emma birinchi marta 2011-yil 7-noyabrda uchrashuvida omma e’tiboriga tushdi. Ular kinoga borgan va keyin qahvaxonaga tushgan. Sevishganlar Garfildning 38 yoshga to‘lishini Disneylandda nishonlashdi va tez orada “Yangi o‘rgimchak odam” filmining ikkinchi qismini suratga jarayoniga yo‘l olishdi.
Afsuski, bir yil o‘tib ular do‘st bo‘lib qolishga qaror qildi, ammo muxlislar ularning yana qayta birlashishiga ishonadi.
Rayan Gosling va Reychel Makadams
Bu juftlikning munosabatlari kelishmovchiliklar bilan boshlandi. Aniqrog‘i, “Xotira daftari” filmi suratga olayotganda Rayan Gosling rejissyordan Reychel Makadamsni almashtirishni so‘radi. Lekin melodrama chiqib, ikki yil o‘tgach, ular tasodifan uchrashib, bir-birlarini noto‘g‘ri tushunganliklarini anglashdi.
Muxlislar ularning ajralishidan juda xafa bo‘ldi. Goslingning fikricha, ularning munosabatlari muvaffaqiyatsiz bo‘lishi kerak edi, chunki ikkalasi ham shou-biznes olamidan. Shunday bo‘lsa-da, ular bir-birlarini iliq xotiralar bilan eslab qolishadi.
Jessi Plemons va Kirsten Danst
Yulduzlar ilk bor 2015-yilda “Fargo” serialining ikkinchi mavsumida uchrashishdi. Boshlanishda Jesse va Kirstenning romantik munosabatlari faqat gap-so‘z bo‘lgan, ammo 2017-yil iyunda aktrisa unashtirilganini e’lon qildi. 2018-yilda juftlikning o‘g‘li Enis Govard tug‘ildi. Uch yil o‘tib, kichik o‘g‘il James Robert dunyoga keldi.
Qiziqarli jihati, 2021-yilda Plemons va Danst yana “It kuchi” dramasida sevishgan rollarni ijro etdi va bu uchun “Oskar” nominatsiyasiga sazovor bo‘ldi. Keyingi yozda ular to‘y qilishdi. Hozirgi kungacha turmush qurib, birga yashamoqda.
Kris Pratt va Anna Feris
Kris Pratt va Anna Ferisning romantik hikoyasi 2007-yilda “Meni uyga olib bor” komediyasining suratga olinishi bilan boshlandi. Kris Pratt Anna Ferisga bir qarashda oshiq bo‘ldi. 2008-yil oxirida ular uashtirilganini e’lon qildi va bir necha oy o‘tib turmush qurdi. Ularning o‘g‘li Jek tug‘ildi, va “Galaktika qo‘riqchilari” filmi chiqarilishi bilan Prattning karyerasi oshdi. U rafiqasiga bu murakkab davrda bergan yordami uchun minnatdorlik bildirdi.
Ammo 2018-ilda Kris va Anna ajrashdi. Keyinchalik Pratt “Terminator” yulduzi Ketrin Shvarseneggerga uylanib, Faris esa operator-montajchi Maykl Barrettga turmushga chiqdi. Ular “Suvdan tashqarida” filmida birga ishlagan. Pratt va Feris do‘stona munosabatlarni saqlab qolishga muvaffaq bo‘ldi.
Izoh (0)