Qashqadaryo viloyati, Qarshi tumani “Dasht” MFY hududidan o‘tuvchi, G‘uzor-Qarshi avtomobil yo‘lida joylashgan avtomobillarga suyultirilgan gaz quyish shoxobchasida 7-oktyabr kuni soat 15:45 da yong‘in sodir bo‘ldi. Bu haqda FVV matbuot xizmati xabar berdi.
Maʼlum qilinishicha, “Kamaz-512” avtomobilidan gaz saqlash yomkostiga gaz quyish vaqtida gaz-havo aralashmasining chaqnashi sodir bo‘lgan.
Chaqnash natijasida yong‘in yuzaga kelgan. Shunga ko‘ra, 4 ta yong‘in-qutqaruv ekipaji soat 15:56 da hodisa joyiga yetib borib, yong‘in soat 16:00 da o‘rab olingan va soat 16:45 da o‘chirilgan.
Yong‘in natijasida shoxobcha binosining 22 m2 maydonda tom qismi yonib zararlangan.
Hodisa oqibatida tan jarohati olgan va vafot etganlar yo‘q.
Hozirda yong‘in sababi va moddiy zarar miqdori aniqlanmoqda.
Izoh (1)
Metan zapravkami bu? Hoshiyada propan deb yozilgan