Buxoro viloyatida 20-mart, juma kuni, taxminan soat 17:20 da harakatlanib ketayotgan Nexia-3 avtomobilining gaz balloni portlab ketgani va oqibatda uch kishi halok bo‘lgani haqida xabar berilgan edi. Mazkur hodisa yuzasidan jinoyat ishi qo‘zg‘atildi. Bu haqda “Daryo”ga Bosh prokuratura tomonidan ma’lum qilindi.
Xabar berilishicha,2020-yilning 20-mart kuni soat 17:20 da fuqaro I.N. o‘z boshqaruvidagi Nexia-3 mashinasiga Buxoro shahri Gazlishoh ko‘chasidagi “Yevro Metan” gaz quyish shoxobchasidan yoqilg‘i (metan) quygan. Shundan so‘ng taxminan 1500 metr masofa harakatlanib, G‘uzor—Buxoro—Nukus—Beynov avtomobil yo‘lining 223-kilometriga yetganida avtomashinadagi gaz balloni portlab ketgan.
Portlash oqibatida mashinada bo‘lgan bir ayol hodisa joyida, ona va bola esa shifoxonada vafot etgan.
Ayni paytda holat yuzasidan Jinoyat kodeksining 186-moddasi (Iste’molchilarning hayoti yoki sog‘lig‘i xavfsizligi talablariga javob bermaydigan xizmatlar ko‘rsatish) 4-qismi “a” bandi bilan jinoyat ishi qo‘zg‘atilgan. Dastlabki tergov harakatlari olib borilmoqda.
Mavzuga doir:
- Foto: Andijon “gaz zapravka”sidagi portlash tafsilotlari ma’lum qilindi
- Gulistondagi gaz quyish shoxobchasida avtobus gaz balloni portlab ketdi
- Qorovulbozorda portlagan Nexia yuzasidan O‘zbekiston IIV axborot berdi
- Bosh prokuratura Buxoroda portlagan Nexia haqida ma’lumot berdi
- Qashqadaryoda Nexia yukxonasiga o‘rnatilgan gaz balloni portladi. Yo‘lovchi halok bo‘ldi
- Bosh vazir o‘rinbosari Buxorodagi fojia yuzasidan tezkor yig‘ilish o‘tkazdi
Izoh (0)