Ijtimoiy tarmoqlarda fuqaro avtomashina oynasidan mushukni yo‘lning qatnov qismiga uloqtirgani aks etgan video tarqalib, turli muhokamalarga sabab bo‘lmoqda. IIBB mazkur holat yuzasidan ma’lumot berdi.
Unga ko‘ra, 15-iyun kuni Mirobod tumani hududida 1986-yilda tug‘ilgan Z.X. Nexia oynasidan mushukni yo‘lning qatnov qismiga uloqtirib, harakatni davom ettirgan.
Mazkur holat yuzasidan ushbu fuqaroga nisbatan Ma’muriy javobgarlik to‘g‘risidagi kodeksining 111-moddasi (hayvonlarga nisbatan shafqatsiz munosabatda bo‘lish) bilan ma’muriy bayonnoma rasmiylashtirilgan.
Kuni kecha Toshkentdagi bozorda ilonning boshini uzib, uni so‘ygan qizga chora ko‘rilgan edi. Toshkentdagi bog‘da esa odamlar orasida bahaybat ilon o‘rmalab ketayotgani aks etgan video yuzasidan izoh berilgandi.
Xorazm viloyatining Urganch shahrida noqonuniy saqlanayotgan sher hayvonot bog‘iga topshirilgan edi. Shuningdek, Toshkent shahar Olmazor tumanida fuqaro o‘z uyida Qizil kitobga kiritilgan qushlarni saqlab kelayotgani aniqlangandi.
- Samarqandda fuqaroning dala hovlisidan sher bolasi topildi.
- Toshkent viloyatida fuqaro uyida yo‘lbars va piton ilonlarini saqlab kelayotgani aniqlandi (video).
- Buxoroda echkiemarga nos chektirgan fuqaroga jazo tayinlandi.
- Buxoroda erkak echkiemar og‘ziga nos solib, shafqatsiz munosabatda bo‘ldi (video)
Izoh (0)