Kino olami qanchalar katta bo‘lmasin, suratga olish maydonchasida ko‘pincha qarindosh aktyor va aktrisalar ham ishtirok etadi. Ko‘plab aktyorlar karyerasi bobolardan tortib nabiralargacha bo‘lgan professional sulolalarga tegishli. Quyida bir xil loyihalarda ishlagan yulduzlar va ularning farzandlarini ko‘rib chiqamiz.
Yuen Makgregor va Klara Makgregor
2023-yilda aktyor Yuen Makgregor o‘zining 27 yoshli qizi Klara bilan birga “Qonli sevgi” filmida birga suratga tushdi. Ular uzoq vaqtdan beri buzilgan munosabatlarni tiklashga harakat qilayotgan ota va qiz obrazlarini gavdalantirdi. Klara Makgregor 5 yil avval otasining “Kristofer Robin” filmida ham epizod roli bilan ishtirok etgan.
Itan Houk va Maya Houk
Amerikalik teatr aktyori va kinorejissyor Itan Houk o‘zining beshinchi to‘liq metrajli filmini 2023-yilda suratga olgan. Unda bosh rolni qizi Mayya ijro etgan. “Yovvoyi mushuk” (2023) nomli filmda Maya Flanneri O’Konnor —o‘zining birinchi asarini nashr etishga harakat qilayotgan yozuvchi obrazida paydo bo‘ladi.
Shon Penn va Dilan Penn
2021-yilda Shon Penn o‘zining 30 yoshli qizi Dilan bilan “Qalbaki pul sotuvchisi” nomli kriminal filmda ota va bola rolini ijro etgan.
Liam Nisson va Maykl Nisson
Maykl Nisson otasi Liam Nisson bilan 2019-yilda “Qor tozalovchi” filmida birga ishtirok etgan. 2020-yilda ular “Italiyada ishlab chiqarilgan” filmida rafiqasi va onasining o‘limini ko‘rgan ota va o‘g‘il rollarini o‘ynashgan.
Keyt Uinslet va Mia Triplton
14 yoshli Mia Triplton birinchi marta 2014-yilda onasining “Veral ishqi” filmida ishtirok etdi. 2022-yilda esa ona va qiz “Men borman” serialida birgalikda bosh rollarni ijro etishdi.
Kurt Rassell va Uayat Rassell
Kurt Rassell va uning 37 yoshli o‘g‘li Uayat “Monarx: maxluqlar merosi” serialida bir xil rol — qahramonning yoshligi va ulg‘aygan vaqtidagi obrazni ijro etdi.
Kevin Smit va Harli Kvin Smit
23 yoshli Harli Kvin Smitning aktyorlik karyerasi butunlay otasining filmlariga asoslangan. U uch yoshidan boshlab epizodlarda chiqa boshladi, 2022-yilda “Bu yerda Kilroy bor edi” filmida bosh qahramonni gavdalantirdi. Uning otasi bilan bog‘liq bo‘lmagan yagona muvaffaqiyatli loyihasi bu — “Shafqatsiz yoz” (2021) serialidir.
Kerri Fisher va Billi Lurd
Amerikalik marhum aktrisa Kerri Fisher “Yulduzlar jangi” filmida ota-onasi mashhur bo‘lgani uchun ishtirok eta olgan, degan taxminlar bor. Ammo uning qizi Billi Lurd karyerasini o‘z mehnati bilan rivojlantirib bormoqda. U 2015-yilda “Yulduzlar jangi: kuchlar uyg‘onishi” filmida o‘zining debyut rolini o‘ynadi va mazkur loyihadan so‘ng uning aktrisalik faoliyati gullay boshladi.
Adam Sendler hamda Sanni va Sendi Sendler
Adam Sendlerning qizlari yoshligidanoq otalarining filmlarida suratga tushishgan. Hozirda esa yosh aktrisalarga katta loyihalarda ishtirok etish takliflari berilmoqda. Masalan, 2023-yilda suratga olingan “Sen mening Bat Mitzvatsimga taklif etilmagansan” komediyasida Adam Sendler ikkinchi darajali rol, uning qizi Sanni esa bosh qahramonni ijro etgan.
Izoh (0)