Ijtimoiy tarmoqlarda Toshkentdagi bozorlarning birida qiz ilonning boshini uzib, uni so‘ygani aks etgan video tarqaldi. Holat yuzasidan “Ovoza” dasturida maʼlumot berildi.
Qayd etilishicha, Ekologiya vazirligi Toshkent shahar boshqarmasi bilan hamkorlikda Yangiobod bozorida reyd tadbiri o‘tkazilgan. Holat aynan ushbu bozorda sodir etilgan.
Aniqlanishicha, ushbu qiz oldiga ilonni so‘yib bering, deb olib kelib berishgan. U esa so‘yib bergan.
“Boshqa qilmayman, iltimos qilganiga qilib bergan edim. Buni kimdir videoga olib tarmoqqa joylabdi”, deydi qiz.
Fuqarolarga ko‘ra, bunday holat mazkur bozorda birinchi marta emas. Bozor masʼullari esa ilonni so‘ygan qizga jarima jazosi qo‘llanilganini maʼlum qildi.
Buxoroda erkak echkiemar og‘ziga nos solib, shafqatsiz munosabatda bo‘lgandi. Toshkentdagi bog‘da esa odamlar orasida bahaybat ilon o‘rmalab ketayotgani aks etgan video yuzasidan izoh berilgandi.
Xorazm viloyatining Urganch shahrida noqonuniy saqlanayotgan sher hayvonot bog‘iga topshirilgan edi. Shuningdek, Toshkent shahar Olmazor tumanida fuqaro o‘z uyida Qizil kitobga kiritilgan qushlarni saqlab kelayotgani aniqlangandi.
Izoh (0)