Aktyor va aktrisalar ssenariy yoki o‘z personajlari obraziga o‘zgartirish kiritishni taklif qilgani, rejissorlar esa ularni tinglagan holatlari ko‘p uchrab turadi.
Jenna Ortega ko‘ylak tufayli xursand bo‘lgisi kelmaydi
Jenna Uenzdey Addams roliga shunchalik ko‘nikib qoladiki, ba'zi dialoglarni o‘zi tahrirlagan. Nevermorning barcha talabalari Quzg‘unlar baliga tayyorgarlik ko‘rishayotganda, Qo‘l Uenzdeydan yashirincha syurpriz uyushtiradi va unga hashamatli qora ko‘ylak sovg‘a qiladi.
Uenzdey kiyimni ko‘rib, shunday deyishi kerak edi: “Yo xudoyim, bu kiyimni deb aqldan ozish mumkin”. Ammo aktrisa bu ibora uning xarakteri uchun juda g‘ayritabiiy ko‘rinishini ta’kidlaydi.
Anya Teylor-Joy g‘azablanmasligi kerak edi
“Menyu” trilleri qahramoni oshpazning qabih rejasidan xabar topgan sherigi uni restoranga olib kelganini bilgach, jahli chiqadi. Biroq bu ssenariyda yo‘q edi.
Qiz buni bilgach, indamay yig‘lashi kerak edi. Ammo aktrisa Margo uchun jimgina chiqib ketishdan ko‘ra g‘azabini ko‘rsatishi to‘g‘ri bo‘lishini his qiladi.
Alan Rikman ssenariy bo‘yicha so‘zlarni aytishdan bosh tortadi
“Garri Potter va tilsim shahzoda” filmida Severus Sneyp Drakoni to‘xtatib, Dambldor bilan o‘zi olishadi. Ssenariyning tasdiqlangan variantida aktyor shunday deyishi kerak edi: “Men so‘z berganman. Men qasam ichganman”. Bu yerda Severusning Drako Malfoyning onasiga unga qarashga va’da bergan qasami nazarda tutiladi.
Biroq Rikman bu iborani aytishni istamaydi, chunki uning fikricha, bu hammasini chalkashtirib yuborardi. Buning o‘rniga Sneyp sukut saqlaydi, keyin faqagina 2 ta so‘z aytadi: “Avada Kedavra”.
Imelda Staunton kostyumlarga qoplama qo‘shishni so‘raydi
Dolores Ambrij obrazini gavdalantirgan Imelda Staunton astar kiyishni xohlaydi. Aktrisaning g‘oyasi uning xarakterini yanada do‘mboq va muloyim qilib ko‘rsatish edi, unda o‘tkir chiziqlar va burchaklar bo‘lmasligi kerak. Ambrij tashqi ko‘rinishida yumshoq va iliq ko‘rinishi juda muhim edi, chunki aslida u shafqatsiz edi.
“Garri Potter va qaqnus ordeni” filmining kostyum dizaynerlari bahslashmaydilar va Stauntonning liboslariga qoplama qo‘shadilar. Son sohasidagi qoplama tufayli ayolning yurishi o‘rdaknikiga o‘xshab qoladi — aktrisa bundan mamnun bo‘ladi.
Oliviya Kolmanning roli homiladorligi tufayli qayta yozilgan
Kolman farzand kutayotgan ayg‘oqchi rolini o‘ynagan. “Tungi administrator” mini-seriali yaratuvchilari buni rejalashtirmagan. Ammo aktrisa ularga o‘z holati haqida gapirgach, uning qahramonini ham homilador qilishga qaror qilishadi.
Rayan Reynolds “Bosh qahramon” uchun kulgili sahnalar o‘ylab topadi
Bosh rol ijrochisi Rayan Reynolds va rejissor Shon Levi ko‘p vaqtini montaj xonasida o‘tkazadi — Reynolds filmga bir nechta kulgili sahnalarni kiritishni taklif qiladi. Shundan so‘ng ular kamerani olib, o‘zlari kadrni suratga oladi. Shunday qilib, kartinada geymer qizlar bilan epizod paydo bo‘ladi, ular aslida rejissorning qizlari bo‘lgan, shunchaki o‘sha paytda ular ham birga edi.
Zoi Kravits Mushuk-ayolning tirnoqlarini o‘stirishni taklif qiladi
“Betmen” filmida Mushuk-ayol rolini ijro etgan aktrisa rejissorga personajining tirnoqlari uzun bo‘lishini taklif qilgan. Zoining fikriga ko‘ra, hayvonga o‘xshashi uchun tirnoqlarni lak bilan bo‘yash kerak emas edi: bir vaqtning o‘zida chiroyli va qo‘rqinchli bo‘lishi kerak edi.
Mishel Yeo qahramonining ismini o‘zgartirishni talab qiladi
Mishel Yeo “Hamma joyda va birdaniga” filmi ustida ish boshlashga rozi bo‘lishidan oldin bosh qahramon ismini o‘zgartirishni talab qiladi. Dastlab uning personaji Mishel Vong deb atalishi kerak edi. Biroq aktrisaning talabiga ko‘ra, rejissorlar ayolning ismini Evelin deb o‘zgartiradi.
Yeo o‘z shartini quyidagicha asoslaydi: “Men kir yuvish xizmatini boshqaradigan muhojir ona emasman, shuning uchun qahramonimga o‘z ovozi va o‘z ismi kerak".
Izoh (0)