Hammasi notanish raqamdan kelgan oddiy qo‘ng‘iroqdan boshlanadi. Ishonch bilan gap boshlashadi, o‘zlarini bank yoki xavfsizlik xizmati xodimi deb tanishtirishadi, hatto ovozlarini “rasmiyroq” ohangga o‘zgartirishadi.
Bularning barchasi — sizning shaxsiy ma’lumotlaringizni qo‘lga kiritish uchun. Bunday paytda bosim va tahdid ostida sarosimaga tushish oson. Ayniqsa, charchagan, chalg‘igan yoki bunday holatni umuman kutmagan bo‘lsangiz. Firibgarlar esa aynan shuni kutishadi.
TBC Bank ogohlantirish bilan kifoyalanmay, ishga kirishdi va zarbaga qarshi zarba bera oladigan Bahodir Jalolovni hamkorlikka taklif qildi. Birgalikda “Moliyaviy himoyalanish akademiyasi”ni yo‘lga qo‘yishdi. Bu — “birinchi qadam, ikkinchi qadam” degan zerikarli qoidalar emas.
Bu hayotiy voqealar, aniq tavsiyalar va amaliy qadamlar asosida tuzilgan oddiy va tushunarli amaliyot. Aynan shu yondashuv sizga ham, yaqinlaringizga ham xotirjamlikni saqlashga va firibgarlarga aldanib qolmaslikka yordam beradi.
Bahodir ishtirokidagi manifest rolik — hamkorlikning asosiy qismi bo‘lib, unda firibgarlikka qarshi kurashda, xuddi boksdagidek, faqat himoya emas, balki aniq, ishonchli va o‘z vaqtida berilgan zarba ham muhim ekani ko‘rsatilgan. Bu zarba esa — bilim. Aynan bilim sizga o‘sha eng muhim lahzada «To‘xta. Menga bu o‘tmaydi» deya olish uchun xotirjamlik va ichki ishonch beradi.
Yodda tuting: hech bir bank sizdan SMS kod, parol yoki shaxsiy ma’lumotlarni so‘ramaydi. Agar so‘rashsa — bu tuzoq.
Haqiqiy himoya qanday ishlashini tushunmoqchimisiz? Saytga o‘ting. Hammasi oddiy va foydali tarzda tushuntirilgan.
Reklama huquqi asosida
Izoh (0)