Multfilmlarni faqat bolalar sevib tomosha qilmaydi. Shunday multfilmlar borki, ulardagi qahramonlar, syujet kattalarning qalbidan joy egallagan. Elle nashri bolalar va kattalar sevib tomosha qiladigan multfilmlar ro‘yxatini taqdim etdi.
“Atlantida: Yo‘qolgan dunyo” — 2001-yil
Ko‘plab insonlar qachonlardir okean cho‘kib ketgan shahar — Atlantida haqida ma’lumotga ega. “Atlantida: Yo‘qolgan rishta” multfilmida bir guruh tadqiqotchilar afsonaviy mamlakatni izlashga kirishadi, biroq ular bu oson bo‘lmasligini tushunib yetadi. Multfilm nafaqat o‘zining badiiyligi, balki sujeti bilan ham insonni hayratga soladi.
“Hayvonlar shahri” (“Zveropolis”) — 2016-yil
“Zveropolis” — nafaqat Disney’ning ajoyib hikoyasi, balki hech qachon taslim bo‘lmaslikni tushunishga yordam beradigan multfilmdir. Quyon Judi Hopps butun umri davomida politsiyachi bo‘lishni orzu qiladi. Ko‘p mashg‘ulotlardan so‘ng u orzusini amalga oshiradi. Biroq Judi hamkasblari bilan raqobatlashishda qiynaladi, chunki ular quyonga qaraganda kattaroq va kuchliroq bo‘ladi. To‘siqlar quyonni to‘xtata olmaydi va u har qanday vazifani yenga olishini isbotlaydi.
“Vall-I” — 2008-yil
Multfilmda insoniyat Yerni tark etadi va kosmosga uchadi. Kichkina Vall-I esa sayyorani axlatdan tozalaydigan yagona robotga aylanadi. Biroq robot uni kelajakda qanday voqealar kutayotganini bilmaydi. Multfilm davomida Vall-I yangi do‘stlar bilan uchrashadi, kosmosga uchadi va hattoki insonlarni Yerga qaytaradi.
“Ratatuy” — 2007-yil
Multfilmda kalamush mazali taomlarni tayyorlab ko‘plab insonlarni lol qoldiradi. “Ratatuy” Remi ismli kichkina kalamushning qaysarligi va irodasi tufayli Fransiyadagi eng mashhur restoranda oshpaz bo‘lishga muvaffaq bo‘lganligi haqida hikoya qiladi. Shuningdek, multfilm orzu sari borishda to‘xtamaslikni, iroda mustahkam bo‘lishi kerakligini insonga uqtiradi.
“Rango” — 2011-yil
Rango — do‘kondagi xameleon, u bir kuni cho‘l o‘rtasidagi katta yo‘lda mashinadagi yukxonadan tushib ketadi. Shundan so‘ng u o‘z hayotini saqlab qolishi uchun harakat qiladi. U yo‘lda Rango Gryaz shahrini uchratadi va ko‘plab sarguzashtlarga duch keladi.
“Koko siri” — 2017-yil
Migel ismli 12 yoshli bolakay Meksika qishlog‘ida poyabzalchilar oilasida yashaydi va yashirincha musiqachi bo‘lishni orzu qiladi. Bolakay buni atrofdagilaridan sir tutadi, chunki uning oilasida musiqa lan’at sanaladi. Bir paytlar bolakayning katta bobosi o‘z rafiqasini orzusi uchun tashlab ketadi, bu holat esa unga tinch yashashga imkon bermaydi. Biroq Migel vaziyatdan chiqish yo‘lini topadi: u o‘liklar mamlakatiga boradi va u yerda barcha savollarga javob topadi.
“Prostokvashino” 2018-yil
“Prostokvashino” — yangi do‘stlari: mushuk Matroskin va sodiq iti Sharik bilan birga Prostokvashino qishlog‘iga borgan Fyodor amaki haqida eski va juda qadrdon multfilm. Bu multfilm kattalarga bolalik xotiralarini eslatadi va bolalarning sevimli multfilmiga aylanadi. Multfilmning yangi talqini 2018-yilda tomoshabinlarga taqdim etildi.
“Maxluqlar jamiyati” — 2001-yil
“Maxluqlar jamiyati” multfilmi kichkina qizaloq va maxluqlar haqida hikoya qiladi. Maxluqlar bolalarni qo‘rqitish, ularning yig‘lashi uchun xizmat qiladi. Biroq kutilmaganda ikkita maxluqning rejalari o‘zgarib ketadi va ular qizaloq bilan ko‘plab sarguzashtlarni boshdan kechiradi.
“Uch bahodir” multfilmining barcha qismlari — 2010-yil
“Uch bahodir” rus multfilmi bo‘lib, u uchta eng mashhur rus bahodirlari — Alyosha Popovich, Dobrinya Nikitich va Ilya Murometsning sarguzashtlari haqida hikoya qiladi. Multfilm ko‘plab hayotiy haqiqatlarni ham o‘z ichiga oladi, shu bilan birga unda ot Yuliy bilan bog‘liq kulgili vaziyatlar ham mavjud.
“Shrek” — 2001-yil
Shrek haqidagi multfilmni ko‘rmagan inson topilmasa kerak. O‘zining shinam va qulay botqoqdagi uyida yashovchi g‘alati mavjudot insonlar bilan ko‘rishgach ko‘plab sarguzashtlarga duch keladi. Shrek go‘zal malikani ajdaho qo‘riqlanadigan minoradan qutqarishi kerak bo‘ladi va voqealar davomida u yaqin do‘stlari — etik kiygan mushuk va eshakni uchratadi. “Shrek” haqidagi multfilmning ko‘plab qismlari mavjud.
“Madagaskar” — 2005-yil
Nyu-York hayvonot bog‘ida bir nechta hayvonlar to‘satdan g‘oyib bo‘ldai. Bu voqeaga esa Afrikaga ketishni, ya’ni ozodlikka chiqishni orzu qiladigan hayvonot bog‘i zebrasi Marti sababchi bo‘ladi. Maqsadiga chin dildan ishongan inson albatta erishadi. Marti sher Aleks, begemot Gloriya, jirafa Melman va pingvinlar bilan Madagaskar oroliga boradi. Bu voqea ularning oxirgi sarguzashti emas, hayvonlar multfilm davomida Afrikaga boradi, sirkda chiqish qiladi. Shuningdek ular pingvinlar bilan ko‘plab qiyinchiliklarga va sarguzashtlarga duch keladi.
“Nemoni izlab” — 2003-yil
Bir kuni Nemo ismli kichkina baliq, bir qanoti kasal bo‘lib, juda uzoqqa suzgani uchun adashib qoladi. Biroq Nemoning otasi Marlin umidsizlikka tushmaydi va o‘g‘lini topish uchun harakat qiladi. Otasidan ranjigan kichkina baliq Nemo esa xavfli vaziyatlarni boshdan kechiradi. Mutfilm bir tomondan qiyinchiliklarni yengib o‘tish haqida xulosa qilishga yordam bersa, ikkinchi tomondan ota va farzand o‘rtasidagi munosabatlarni ham aks ettiradi.
“Ov mavsumi” — 2006-yil
Ov mavsumi Elliotga ovchi tahdid qilishi aks etgan voqealar bilan boshlanadi. Voqealar rivojida kiyik yovvoyi tabiat haqida umuman bilmaydigan ayiqni uchratadi. Multfilm juda qiziqarli va kutilmagan voqealarni o‘z ichiga oladi. Ushbu multfilm to‘rtta qismdan iborat.
“Uy hayvonlarining sirli hayoti” — 2016-yil
Uy hayvonlari nimalar haqida o‘ylashini tasavvur qilib ko‘rganmisiz? Bu multfilmda Maks ismli it egasi uyga boshqa itni olib kelganidan norozi bo‘ladi. U boshqa it Dyuk bilan o‘z hududini bo‘lishishni xohlamaydi. Biroq navbatdagi g‘ala-g‘ovurdan so‘ng ikkalasi ham ko‘chaga chiqib, uyga yo‘l topa olmaydi. Multfilm itlarning uyga yo‘l topishdagi sarguzashtlarini aks etttiradi.
“Kung-fu panda” — 2008-yil
Uyquchi, dangasa va doim och panda, bu ta’riflarning barchasi Poga tegishli. “Kung-fu panda” multfilmida Po ko‘plab sarguzashtlar va xavfli vaziyatlarga duch keladi. Masalan, Tinchlik vodiysi va uning barcha aholisini yengilmas va shafqatsiz Tai Lungdan qutqarish uning vazifasiga bo‘ladi. Voqealar rivojida u tanlab olingan Ajdaho jangchisiga aylanadi va u afsonaviy jangchilar bilan yonma-yon o‘rganib mashaqqatli yo‘lni bosib o‘tadi. O‘ziga ishongan panda barcha qiyinchiliklarni yengib o‘tadi.
Mavzuga doir:
- Mazali san’at asarlari: mashhur multfilmlar asosida tayyorlangan ajabtovur tortlar (foto).
- Kinotavsiya: Tosh yuraklarni ham eritib yuborishga qodir qisqa metrajli multfilmlar (video).
- “Totoro”, “Qalb”, “Luka” — original sujetga ega eng yaxshi multfilmlar (video).
- Nafaqat yorqin obrazlarga, balki egasi haqida “gapiruvchi” ismli qahramonlarga ega kino va multfilmlar (foto).
Izoh (0)