Britaniyang Suonsi okrugida joylashgan qishloqlardan birida istiqomat qiluvchi oila sakkiz yil oldin yo‘qolib qolgan mushugi bilan qayta topishdi, deb xabar beradi Euro Weekly News.
Bundan o‘n yillar oldin Xarrislar oilasi Mo laqabli qora mushukni boqish uchun olgan. 2012-yilda mushuk ko‘chadan uyga qaytib kelmagan. Uning egalari yomon xayollarga bormay, mushukni kimdir olib ketgan degan gumonga borgan.
Ma’lum bo‘lishicha, o‘tgan vaqt davomida Mo Llansamlet tumanidagi odamning uyida boshqa mushuklar bilan birga yashab kelgan. Eng so‘nggi egasi vafot etgan va uy hayvonlarini uning qo‘shnisi vaqti-vaqti bilan ovqatlantirib turgan. Oxir-oqibat u hayvonlarga nisbatan shafqatsiz munosabatlarning oldini olish bo‘yicha Qirollik hamjamiyati xodimlariga murojaat qilgan.
Hayvon himoyachisi bo‘lgan Paula Milton mushuklarni olib ketgani kelganida ularning biriga mikrochip o‘rnatilganini payqab qolgan. Chip orqali u Xarrislar oilasi bilan bog‘langan.
“Bu hayvonlarni qutqarish bo‘yicha faoliyatim davomidagi eng yaxshi vazifalarimdan biri bo‘ldi”, — deydi Milton.
“To‘g‘risini aytganda, biz shokda edik. Hayvonlar uzoq yillardan so‘ng egasining oldiga qaytib kelganini eshitasan, biroq sen bilan ham shu narsa sodir bo‘lishini hech kutmaysan. Uning qaytgani zo‘r bo‘ldi va hayvonlarga yordam berishga tayyor yaxshi insonlar borligini bilish ham juda yoqimli. Mo shuncha yil davomida xavfsizlikda bo‘lgan”, — deydi Izzi Xarris.
Avvalroq AQShda eski uyini sog‘ingan it bir shtatdan boshqasiga 90 kilometr yo‘l bosib borgani to‘g‘risida xabar berilgandi.
Izoh (0)