Vitamin D organizmimiz uchun juda muhim. U immunitet tizimini mustahkamlaydi, moddalar almashinuvini qo‘llab-quvvatlaydi va organizmdagi kalsiy va fosfat miqdorini tartibga soladi, bu esa suyaklarimiz va mushaklarimizga taʼsir qiladi. Lekin bu muhim elementning yetishmasligini qanday qilib o‘z vaqtida aniqlash mumkin?
Vitamin D tanada sodir bo‘ladigan moddalar almashinuvining ko‘p sohalariga taʼsir qilgani sababli, uning yetishmasligining alomatlari ham turli xil bo‘ladi. Ammo vitamin D yetishmasligining eng keng tarqalgan belgilari quyidagilarni o‘z ichiga oladi:
* Charchoq / sekin harakat qilish
* Diqqatni jamlashda qiyinchilik
* Tez-tez bosh og‘rig‘i
* Kayfiyat o‘zgarishi, depressiv kayfiyatgacha
* Mushak / oyoq-qo‘l og‘rig‘i
* Soch to‘kilishi
Og‘ir hollarda vitamin D ning uzoq vaqt yetishmasligi bolalarda raxitga va kattalarda osteoporozga olib kelishi mumkin.
Agar o‘zingizda bu alomatlarni sezsangiz, shifokorga murojaat qiling va organizmdagi vitamin D miqdorini tekshirish uchun qon tahlili topshiring. Kichik yetishmaslikni ovqatlanishni to‘g‘rilash orqali to‘ldirish mumkin. Ushbu vitaminga tabiiy ravishda to‘yinib yurishni istasangiz losos, anchous va sardina kabi yog‘li baliqlar, tuxum sarig‘i hamda go‘shtni doimiy tarzda isteʼmol qiling. Agar qon tahlillaringizda vitamin D miqdori juda kam bo‘lsa shifokor sizga biologik faol qo‘shimchalar buyuradi.
Izoh (0)