Ayrim rejissyorlar kadrlarga nozik ishoralarni mahorat bilan singdirsa, boshqalari syujet burilishlari haqida sir-sinoatlarni joylashtiradi. Bu sirlar filmni takroran tomosha qilgandagina ayon bo‘ladi.
“Do‘stlar” serialidagi yashirin belgilar
Serialning bir qismida Ross Geller qo‘l tasviri tushirilgan kulrang futbolka kiygan bo‘ladi. Ko‘pchilik tomoshabinlar bu rasmga e’tibor bermagan. Ammo ayrim ziyrak kuzatuvchilar serialning libos dizayneri Debra Makguayrning yashirin “shifr”ini tushungan.
Ma’lum bo‘lishicha, ko‘rsatilgan ishora aslida sitkom nomiga ishora bo‘lib, imo-ishora tilida “do‘stlar” so‘zini anglatgan.
Stiven Xoking va Azkaban mahbusi
Stiven Xokingning mashhur “Vaqtning qisqacha tarixi” kitobi “Garri Potter va Azkaban mahbusi” (2004) filmida bir lahzaga ko‘rinib o‘tadi.
Siz ham kitobga berilib o‘tirgan sehrgarni payqagandirsiz, biroq makon va zamon tabiati, shuningdek, aynan shu zamonda sayohat qilish imkoniyatlariga bag‘ishlangan kitobning o‘ziga e’tibor qilib qaramagansiz. Kim biladi, balki Germiona ham vaqt tumoridan unumliroq foydalanish uchun bu kitobni sinchkovlik bilan o‘rganib chiqqandir.
Kira Naytli va “ishchilarni ekspluatatsiya qilish”
“Yomon xulq-atvorli xonim” (2020) filmining bir nechta sahnasida Kira Naytli “Mehnatkash” nomli kitobni qo‘lida ushlab turadi yoki diqqat bilan o‘qiydi. “Mehnatkashlar: mehnat tarixi bo‘yicha tadqiqotlar” — Erik Xobsbaumning Buyuk Britaniyada ishchilar harakati tarixiga bag‘ishlangan mashhur asaridir.
Film 1970-yilgi “Dunyo go‘zali” tanloviga va unga qarshi feministlarning norozilik namoyishlariga oid real voqealarga asoslangan. Unda aktrisa tarixchi va ayollar ozodlik harakati faoli Salli Aleksandr rolini ijro etadi. Shuning uchun o‘sha davrlarda uning qahramoni bunday adabiyotga qiziqishi tabiiy hol edi. Axir, o‘sha paytda ayollar ham erkaklar bilan teng ish haqi olish huquqi uchun kurashayotgan edilar.
Batman Xoakin Feniksga qarshi
“Joker” (2019) filmida bosh qahramonning eski raqibi dastlabki kadrlardayoq paydo bo‘lganini ko‘pchilik sezmay qoladi. U boshqa joyda emas, balki aktyorning ro‘parasida — u doimo grim qilayotganda o‘zini ko‘radigan ko‘zguda namoyon bo‘ladi.
Faqat sehr emas
Xogvartsda tovuqli frikase, tovuq sho‘rva, tovuqli salat va sopol idishlarda pishirilgan tovuqli pirog kabi taomlar juda sevib iste’mol qilinardi. O‘quv yili boshlanishi nishonlanganda tovuq sonlari dasturxonga tortilardi. Ular bitiruv kechasining taomnomasida ham o‘rin olardi.
Bundan tashqari, Garri, Ronald va Germiona Sirius Blek Xogsmid yaqinidagi tog‘larda yashirinib yurganida unga tovuq jo‘natishgan edi. Bu masalliq sehrgarlik uchun ham kerak bo‘lardi. Masalan, ko‘rinmaslik damlamasini tayyorlash uchun. Axir hamma ham ko‘rinmas plashga ega emasdi-ku.
Tanosdan ancha avvalgi Cheksizlik qo‘lqopi
“Tor: Ragnarek” (2017) filmining bir sahnasida Xela Asgardning barcha “xazinalari” soxta ekanligini ta’kidlaydi. Xususan, u “Qasoskorlar: abadiyat jangi” filmi bilan mashhur bo‘lgan Cheksizlik qo‘lqopini nafrat bilan yerga uloqtiradi. Bu film ekranlarga faqat bir yildan keyin chiqishi kerak edi. Aytish mumkinki, Marvel shunchaki o‘zining keyingi filmlaridan birini shunday usul bilan reklama qilishga qaror qilgan.
Izoh (0)