Qoraqalpog‘iston Respublikasining Taxiatosh tumanida joylashgan tabiiy ko‘lda 3 nafar fuqaro tomonidan noqonuniy ravishda taqiqlangan usulda baliq ovlanayotganligi aniqlandi. Bu haqda Ekologiya vazirligi xabar berdi.

Maʼlum qilinishicha, jami 5 ta zog‘ora, 1 ta ilonbaliq, 195 ta do‘ngpeshona, 2 ta karas hamda 5 ta qilich baliq ovlanganligi maʼlum bo‘ldi.
Natijada tabiatga 752 mln 625 ming so‘m zarar yetkazilgan.
Holat yuzasidan hujjatlar rasmiylashtirilib, tergovga qadar tekshiruv ishlari olib borilmoqda.
Noqonuniy baliq ovlash
Avvalroq Aydar-Arnasoy ko‘llarida 2024-yili noqonuniy ov oqibatida tabiatga 1,7 mlrd so‘mlik zarar yetkazilgani haqida xabar berilgandi.
Shuningdek, Navoiyda noqonuniy baliq ovlagan shaxslar tabiatga 6,3 mlrd zarar yetkazgani haqida xabar berilgandi.
Bundan tashqari, Surxondaryo viloyati Sho‘rchi tumanida noqonuniy baliq ovlanishi natijasida tabiatga 1,4 milliard so‘m zarar yetkazilgan edi.
O‘zbekiston hududida 2025-yil 1-sentyabrdan 2028-yil 1-yanvargacha ov qilishga moratoriy joriy qilinishi mumkinligi aytilgandi.
Izoh (0)