Baliq ovlash paytida yo‘qolib qolgan 61 yoshli perulik baliqchi uch oydan so‘ng ochiq dengizda tirik holda topildi. Bu haqda “Peru 21” nashri xabar bermoqda.
Napa Kastro ismli baliqchini oxirgi marta 2024-yil 7-dekabrda, o‘zining tug‘ilgan shahri Markonadan baliqchilar qayig‘ida dengizga chiqqanida ko‘rishgan. Erkak o‘z yaqinlari bilan aloqada bo‘lib turgan. Biroq 10 kundan so‘ng Santa-Rosa orolidan 65 kilometr uzoqlikda bo‘lganida izsiz g‘oyib bo‘lgan.
Uning kemasida majburiy kuzatuv moslamasi - radiomayoq bo‘lmaganligi sababli uni topishda bir qancha qiyinchiliklar yuz bergan.
Uzoq izlanishlardan so‘ng qutqaruvchilar uni 11-mart kuni Peru shimolidagi qirg‘oqlarda suvsizlanish, quyosh urishi va ochlik tufayli og‘ir ahvolda tushib qolganida topishgan. U so‘nggi 15 kunni ichimlik suvisiz o‘tkazgan.
Qutqarilgandan so‘ng, Napa Kastro mahalliy ommaviy axborot vositalariga intervyu bergan.
Uning aytishicha, u qayiqda yig‘gan yomg‘ir suvini ichib, hasharotlar, qushlar va toshbaqalarni yeganligi sababli omon qolgan.
Izoh (0)