1-aprel sanasidan e’tiboran mamlakatimizda isitish mavsumida tabiiy gaz uchun joriy qilingan 500 kub metrlik bazaviy me’yor 100 kub metrga tushiriladi. Bu haqda “Hududgazta’minot” AJ ma’lum qildi.
Vazirlar Mahkamasining 2024-yildagi 204-sonli qarori bo‘yicha mazkur shkala mart oyida o‘zgarishi belgilangandi. Biroq mart oyida havo haroratining past bo‘lishi va odatdagidan ko‘ra sovuqroq kelishi munosabati bilan davlat rahbarining topshirig‘iga muvofiq, Vazirlar Mahkamasining tegishli qarori bilan isitish mavsumi uchun belgilangan 500 kubometr bazaviy me’yor 2025-yilning 1-apreligacha uzaytirilgandi.
Shuningdek, tabiiy gaz va elektr energiyasi tariflarini oshirish 1-aprelga rejalashtirilgan edi. Biroq prezident topshirig‘iga ko‘ra, 1-mayga ko‘chirildi.
1-maydan boshlab elektr energiyasi uchun bazaviy tarif ( 200 kVt/soat doirasida) 450 so‘mdan 600 so‘mga, gaz uchun 650 so‘mdan 1000 so‘mgacha oshiriladi.
Izoh (0)