Toshkentda reklama qonunchiligini buzgan 30 dan ortiq korxona jarimaga tortilishi, Toshkent viloyatidagi bog‘chada tarbiyachi bolalarning qulog‘idan tortib, bir necha marotaba urishi, Navoiyda 8-sinf o‘quvchisi farzandli bo‘lishi — “Daryo” nashri bugun, 4-martda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
O‘zbekistonda majburiy attestatsiyaga jalb etilmaydigan pedagoglar ro‘yxati kengaydi
Ayrim pedagoglarga to‘g‘ridan-to‘g‘ri malaka toifasi beriladi.
O‘zbekistonda nogironligi bor bolalarga ijtimoiy transport xizmati ko‘rsatiladi
Ular ijtimoiy soha obyektlari, ta’lim muassasalariga borib kelishlariga qulayliklar yaratiladi.
Energetika vazirligiga elektr va gaz bo‘yicha ijtimoiy me’yorlar muddatini o‘zgartirish vakolati berildi
Ushbu vakolat doirasida tabiiy gaz uchun isitish mavsumida belgilangan bazaviy me’yor 1-aprelgacha uzaytirildi.
Yakkasaroyda 9 yoshli o‘quvchiga shilqimlik qilgan o‘qituvchi javobgarlikka tortildi
25 yoshli o‘qituvchi o‘quvchi qizning qaddi-qomatini tavsiflab, uning yelkalarini ushlagan.
Toshkentda reklama qonunchiligini buzgan 30 dan ortiq korxona jarimaga tortildi
Ular orasida Coca-Cola, Pepsi, Evos, Oqtepa lavash, Safia ham bor. Reklama va axborotni joylashtirish tartibi buzilgan.
O‘zbekistonda qurilish maydonida havoga chang ko‘tarilishini bartaraf etmaganlar endi jarimaga tortiladi
Jarima miqdori va bu tartib kuchga kirishi sanasi e’lon qilindi.
O‘zbekistonda Temu platformasi 20-martdan boshlab cheklanadi
Fuqarolardan ushbu platformadan buyurma bermaslik so‘raldi. Buyurtma bundan avval qilingan bo‘lsa, to‘lovni qaytarishni tashkil etish tavsiya etildi.
Toshkent viloyatidagi bog‘chada tarbiyachi bolalarning qulog‘idan tortib, bir necha marotaba urdi (video)
Mazkur tashkilotning ikki xodimi ishdan olindi.
Toshkentda 10 ta avtobus yo‘nalishi o‘zgartirildi
Bunda yo‘lovchi oqimi va fuqarolar murojaatlari inobatga olingan.
Navoiyda 8-sinf o‘quvchisi farzandli bo‘ldi
Xabarlarda ona bo‘lgan o‘quvchiga ayrim fanlardan darsga ishtirok etmasa ham baho qo‘yilib borilgani aytilmoqda.
Bosh prokurorga o‘rinbosar tayinlandi
Bu bo‘yicha prezident farmoni qabul qilingan.
O‘zbekistonda yil boshidan beri 6 mlrd dollardan ziyod xorijiy investitsiya va kreditlar o‘zlashtirildi
Prezident kambag‘allikni qisqartirish va aholi bandligini taʼminlash, investitsiya va eksport ko‘rsatkichlari bo‘yicha hisobot bilan tanishdi.
O‘zbekistonda xonandalarga konsertlarda u yoki bu dinni targ‘ib qilmaslik aytildi
Shuningdek, kuy-qo‘shiqlarning mazmuniga e’tibor qaratish kerakligi ta’kidlandi.
Azamat Mirzayev Toshkent viloyati prokurori etib tayinlandi
U tayinlovga qadar Navoiy viloyati prokurori lavozimida ishlagan.
Prezident Xalqaro xotin-qizlar kuni munosabati bilan bir guruh ayollarni mukofotladi
Mamlakatda xotin-qizlarning davlat va jamiyat hayotidagi o‘rni va nufuzini oshirishga katta hissa qo‘shayotgan bir guruh ayollar mukofotlandi.
Favqulodda vaziyatlar vaziriga yangi o‘rinbosarlar tayinlandi
Xurshid Sotiyev tayinlovga qadar FVV Shtab boshlig‘i o‘rinbosari lavozimida faoliyat yuritgan.
Ravshan Sultonxo‘jayev Toshkent shahar IIBB boshlig‘i etib tayinlandi
Yig‘ilishda yangi tayinlangan poytaxt IIBB rahbariga tegishli topshiriqlar berildi.
Izoh (0)