Toshkent viloyati Oqqo‘rg‘on tumanida texnologik reglament talablariga zid ravishda faoliyat yuritgan metan zapravka gaz taʼminotidan ajratildi. Bu haqda “O‘zenergoinspeksiya” matbuot xizmati xabar berdi.
Qayd etilishicha, “O‘zenergoinspeksiya” Toshkent viloyati hududiy boshqarmasi tomonidan Oqqo‘rg‘on tumanida joylashgan “A.M.” MCHJga qarashli avtomobillarga gaz to‘ldirish kompressor shoxobchasida o‘rnatilgan texnologik jarayonlarining amaldagi meʼyor va qoidalarga muvofiqligi yuzasidan o‘rganish o‘tkazilgan.
O‘rganish jarayonida AGTKSH faoliyatida litsenziyalash talab va shartlariga hamda texnologik reglament talablariga zid ravishda faoliyat yuritib kelayotgani aniqlangan.
Ushbu holatdagi qoidabuzarlikka sabab bo‘luvchi omillar to‘liq bartaraf etilgunga qadar mazkur AGTKSH tabiiy gaz taʼminotidan ajratilgan.
Bundan oldin Farg‘onada xavfsizlik choralari ko‘rilmagan metan zapravka gaz ta’minotidan ajratilgani, Andijonda xavfsizlik choralari ko‘rilmagan metan zapravka gaz ta’minotidan uzilgani to‘g‘risida xabar berilgandi.
Izoh (0)