Namangan viloyati Pop tumanida xavfsizlik choralari ko‘rilmagan ikkita metan zapravka gaz taʼminotidan ajratildi. Bu haqda “O‘zenergoinspeksiya” matbuot xizmati xabar berdi.
Qayd etilishicha, “O‘zenergoinspeksiya” Namangan viloyati hududiy boshqarmasi tomonidan Pop tumanida joylashgan “I.P.P.T.” MCHJ va “P.M” MCHJlarga qarashli ikkita avtomobillarga gaz to‘ldirish kompressor shoxobchalarida o‘rnatilgan texnologik jarayonlarining amaldagi meʼyor va qoidalarga muvofiqligi, tabiiy gazni qabul qilib olish, saqlash, tarqatilishi holatlari yuzasidan o‘rganish o‘tkazilgan.
O‘rganish jarayonida AGTKSHlar faoliyatida aholi hayoti va sog‘lig‘iga xavf tug‘ilishi bilan bog‘liq bo‘lgan qo‘pol qoidabuzarliklar aniqlangan.
Ushbu holatlardagi qoidabuzarlikka sabab bo‘luvchi omillar to‘liq bartaraf etilgunga qadar mazkur AGTKSHlar tabiiy gaz taʼminotidan ajratilgan.
Bundan oldin Farg‘onada xavfsizlik choralari ko‘rilmagan metan zapravka gaz ta’minotidan ajratilgani, Andijonda xavfsizlik choralari ko‘rilmagan metan zapravka gaz ta’minotidan uzilgani to‘g‘risida xabar berilgandi.
Izoh (0)