Navoiy shahrida xavfsizlik choralari ko‘rilmagan “metan zapravka” gaz taʼminotidan ajratildi. Bu haqda “O‘zenergoinspeksiya” matbuot xizmati xabar berdi.
Qayd etilishicha, “O‘zenergoinspeksiya” Navoiy viloyati hududiy boshqarmasi tomonidan Navoiy shahrida joylashgan “N.Z.” MCHJga qarashli avtomobillarga gaz to‘ldirish kompressor shoxobchasida o‘rnatilgan texnologik jarayonlarining amaldagi meʼyor va qoidalarga muvofiqligi, tabiiy gazni qabul qilib olish, saqlash, tarqatilish holatlari yuzasidan o‘rganish o‘tkazilgan.
O‘rganish jarayonida AGTKSH faoliyatida aholi hayoti va sog‘lig‘iga xavf tug‘ilishi bilan bog‘liq bo‘lgan qo‘pol qoidabuzarliklar aniqlangan.
Ushbu holatdagi qoidabuzarlikka sabab bo‘luvchi omillar to‘liq bartaraf etilgunga qadar mazkur AGTKSHlar tabiiy gaz taʼminotidan ajratilgan.
Bundan oldin Farg‘onada xavfsizlik choralari ko‘rilmagan metan zapravka gaz ta’minotidan ajratilgani, Andijonda xavfsizlik choralari ko‘rilmagan metan zapravka gaz ta’minotidan uzilgani to‘g‘risida xabar berilgandi.
Izoh (0)