Namangan viloyatining Kosonsoy, Andijon viloyatining Shahrixon tumanlari, Sirdaryo viloyatining Guliston shahri va Xorazm viloyatida energiya resurslaridan noqonuniy foydalanish holatlari fosh etildi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Maʼlum qilinishicha, Kosonsoy tumanida “K.Z.” MCHJ rahbari A.A. korxonaga tegishli suv inshootini umumiy foydalanishdagi elektr tarmog‘iga tijorat maqsadida o‘zboshimchalik bilan to‘g‘ridan-to‘g‘ri ulab, 334 mln so‘mlik elektrdan noqonuniy foydalangan.
Shuningdek, Gulistonda fuqaro A.A. “Yangihayot” MFYdagi xonadonda gaz jihozlarini umumiy foydalanishdagi gaz tarmog‘iga yashirin ravishda ulanib, 151,9 mln so‘mlik tabiiy gazdan noqonuniy foydalangan.
Shu bilan birga, Xorazm viloyatida “O.Y." oilaviy korxonasi masʼul shaxslari korxona elektr jihozlarini umumiy foydalanishdagi elektr tarmog‘iga tijorat maqsadida to‘g‘ridan-to‘g‘ri ulagan. Natijada 137,7 mln so‘mlik elektrdan noqonuniy foydalangan.
Bundan tashqari, Shahrixon tumanida YATT “T.A.” umumiy ovqatlanish shoxobchasida umumiy foydalanishdagi gaz tarmog‘iga tijorat maqsadida to‘g‘ridan-to‘g‘ri ulanib, 102,7 mln so‘mlik tabiiy gazdan noqonuniy foydalangan.
Mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.
Shu kabi holatlar
Samarqand viloyatidagi korxonalardan biri 553 million so‘mlik elektrdan noqonuniy foydalangani aniqlangandi. Shu bilan birga, Qashqadaryoda 177 mln so‘mlik gaz va “svet”dan noqonuniy foydalangan shaxslar ushlangani xabar qilingandi.
Shuningdek, Qashqadaryoda elektrdan noqonuniy foydalangan korxona davlatga 1 mlrd so‘mdan ziyod zarar yetkazgan. Bundan tashqari, Toshkent, Samarqand va Qashqadaryo viloyatlarida energiya resurslariga noqonuniy ulanish holatlari fosh etilgandi. Shuningdek:
- Buxoroda 1,2 mlrd so‘mlik elektrdan noqonuniy foydalanilgani aniqlandi
- Qoraqalpog‘istonning uchta hududida 845 mln so‘mlik gazdan noqonuniy foydalanildi
- Buxoro va Jizzaxda elektrdan noqonuniy foydalanganlar 360 mln so‘mdan ziyod zarar yetkazdi
- Uchta viloyatda qariyb yarim mlrd so‘mlik gazdan noqonuniy foydalanildi
Izoh (0)