Sevimli filmlar shunisi bilan yaxshiki, ularni qayta ko‘rish va har safar yangi narsalarni payqash mumkin.
“Garri Potter va Qaqnus ordeni”
Dadli Durslning shortilari ham yerosti o‘tish joyida dementorlarni uchratganda o‘zgaradi.
“Mumiyo”
“Mumiyo”da Evini birinchi marta kutubxonada uchratamiz. Narvonda turgan qiz qo‘lida kitob ushlab, yaqin atrofdagi javonga qo‘yishga harakat qiladi. Lekin kitob qo‘lidan tushib ketsa-da, hech qanday ovoz eshitilmaydi, polda ham birorta kitob ko‘rinmaydi — xuddi shu zahotiyoq yer yutib yuborgandek.
“Sumerki”
“Sumerki” filmi ham xatolikdan xoli emas. Sahnalarning birida Edvardning orqasidagi javondagi bezaklar to‘satdan o‘zgarib qoladi.
“Garri Potter va hikmatlar toshi”
“Xogvarts-ekspress” kupesida Potterni uchratgan Ronning soch turmagi ham muttasil o‘zgarib turadi.
“Qulay xonim”
“Qulay xonim” komediyasida agent Greysi Hart barda muzqaymoq yegan sahna bor. Shu vaqtda bir hamkasbi va uning hamrohi salomlashish uchun uning oldiga keladi. Ularning suhbati davomida bo‘sh qoshiq to‘satdan muzqaymoq bilan to‘lib qolganini ko‘rish mumkin.
“Kaskadyorlar”
“Kaskadyorlar” filmida qahramonlar ko‘plab tryuklarni ijro etishadi. Albatta, bunday xavfli daqiqalarda har bir mayda-chuyda detallni nazorat qilib bo‘lmaydi. Misol uchun, yakuniy sahnada Rayan Gosling o‘ynagan bosh qahramon vertolyotdan sakraydi — uning qo‘lida dushmanining gapi yozilgan audiokasseta bo‘ladi. Biroq u yiqilgan kadrlarda qahramonning qo‘llarida hech nima yo‘qligini ko‘rish mumkin. Rayan Gosling batutga sakrab tushganida muhim dalillar qo‘lida paydo bo‘lib qoladi.
“Garri Potter va Qaqnus ordeni”
Filmda Garrining qo‘rqinchli tush ko‘rayotgan sahnasi bor. U uxlayotganida egnida yumaloq yoqali futbolka bo‘lsa, qahramon V shaklidagi yoqali futbolkada uyg‘onadi.
“Forsaj”
“Forsaj” franshizasining birinchi qismida Jonni Tran bilan ham xuddi shunday holat ro‘y beradi. Faqat uning qora futbolkasi 3 soniyadan keyin birdaniga maykaga aylanib qoladi.
“Shamollarda qolgan hislarim”
Ba’zida filmlarda kelajakdan kelgan narsalar paydo bo‘ladi. “Shamollarda qolgan hislarim” romanining filmga moslashuvi 12 yil — 1861-yildan 1873-yilgacha bo‘lgan davrni o‘z ichiga oladi. Atlanta ko‘chalarida suratga olingan filmning ayrim sahnalarida gaz fonuslaridagi lampochkalarni ko‘rish mumkin, holbuki elektr lampalar 1879-yilga kelibgina ixtiro qilingan.
“Arvoh ovchilari”
“Arvoh ovchilari” filmida qahramonlardan biri qadimiy sehrga duchor bo‘ladi. Cho‘lda yana bir jodulangan qahramonga duch kelganida ayolning yalangoyoq yurgani yaqqol ko‘rinadi. Biroq u qadimiy iblisning yonidagi o‘rnini egallash uchun zinapoyalarga ko‘tarilayotganda, baland poshnali tuflida paydo bo‘ladi. Keyinchalik jodu o‘z kuchini yo‘qotganda poyabzal yana yo‘qolib qoladi.
“Garri Potter va Alanga kubogi”
Voldemort mantiyasining shimarilgan yengi o‘z-o‘zidan ko‘tariladi.
“Titanik”
Filmdagi sahnada Jek quvurga kishanlangan paytda, “podtyajka”da bo‘ladi. Keyinchalik Rouz uni ozod qilganda tasmalar qayergadir g‘oyib bo‘lib qoladi.
Izoh (0)